Мощная молитва архангелу Михаилу

Господи Боже Великий Царю, Безначальный! Посли, Господи, Архангела Твоего Михаила на помощь рабу Твоему (имя) изъяти мя от враг моих видимых и невидимых. О, Господень Михаиле Архангеле! демонов сокрушителю: запрети всем врагам борющимся со мною, сотвори их, яко овцы и сокруши их, яко прах пред лицем ветра. О, Господень Великий Михаиле Архангеле! Шестокрилатый Первый Княже, воеводо Небесных сил Архистратиже Херувим и Серафим и Всех Святых. О, угодниче, Михаиле Архангеле, хранителю неизреченный, буди ми помощник во всех обидах, в скорбях, печалях; в пустынях, на распутьях, в пленении, заточении, на реках и на морях – тихое пристанище. Избави мя, Великий Михаиле Архангеле, от всяких прелестей лукавых диавольских. Услышь мя грешного раба Своего (имя), молящагося Тебе и призывающего Имя Твое Святое: ускори на помощь мне и услыши молитву мою. О, Великий Архангеле Михаиле! Победи вся противящееся мне силою Честнаго и Животворящаго Небеснаго Креста Господня, молитвами Пресвятыя Богородицы, Святых Ангелов и Святых апостолов, Святаго Пророка Божия Илии, Святителя  Николая Чудотворца, Святаго Андрея Юродивого, Святых великомучеников Никиты и Евстафия, преподобных отцев, святителей, мучеников и всех святых. О, Великий Архангеле Михаиле! помози мне, грешному рабу Твоему (имя), избави мя от бури, труса, потопа, от огня и меча, от напрасныя смерти, от всякаго зла и от врага льстиваго и лукаваго избави мя, Великий Михаиле Архангеле Господень, всегда ныне и присно и вовеки веков. Аминь.