Драўляная даўбешка –
Для сталяра прынада,
Ды бондару ўцешка,
Яна заўсёды з ладам.
Пабойня ці цяльпага –
Даўбня для дроў шчапання.
Браў дравасек з увагай,
Каб выканаць заданне.
Камы драбіла кука –
Зямліца мяккай стане.
Не цяжкая навука –
Сама сабой прыстане.
Адсюль і «кокаць» – слушна,
Разбіць, пашкодзіць рэчы.
«Цяльпух» – жыве мянушка, –
Няўдалы, недарэчны.
«Тупы ён, як пабойня...»
«Даўбня...» – Хто надакучыць.
Мянушкі – лік падвойны,
Усе яны да кучы...
Драуляныя прынады
© Copyright: Татьяна Цыркунова, 2022
Свидетельство о публикации №222072500408
Свидетельство о публикации №222072500408
Рецензии