Къартлыкъ аламны къабагъын ачыб ичи табагъа атладым,
Артымда къалгъан боран джылланы халыча сайлаб къатладым.
Алгъын джашлыкъгъа джалбарыучанем, атма мени, деб, кетме, деб,
Энди къартлыкъдан тилер болгъанма, джаргъа гузаба этме, деб.
Къартлыкъ - джуукъда, джашлыкъ - узакъда, мурат а мени атмайды,
Акъыл-орнунда, оюм-джолунда, алай талгъан сан тутмайды.
Ёлюм узакъдан бет тургъузады, заманынг тарды, дер кибик,
Джюрек а алкъын къаты урады, ёмюрюнг барды, дер кибик.
"Тур-турдан хапар бир келди эсе, хур-хурдан хайыр болмайды",
Къартлыкъ аламгъа бир кирдинг эсе, узакъ муратынг толмайды.
Артха къайтыргъа онгунг болмайын, алгъа барсанг а - кёр-тёбе,
Къартлыкъ заманы - ауур заманды, эки атламдан бир чёге.
Энди джюрек да керпесленмесин, ашалгъан ёзюн арыта,
Энди мурат да чёрчекленмесин, мени кесине къарата.
Тарбуунда
© Copyright: Софи Трам-Семен 2, 2022
Свидетельство о публикации №222081701284
Свидетельство о публикации №222081701284
Рецензии