Ай, джарлы сен, этегинги бир къайсанг а,
Юй керекни къагъыб-согъуб бир джыйсанг а,
Чибин басхан саутунгу бир джуучанг а,
Сёзню сюрген джелбашланы бир къуусанг а,
Тиширыуча эркишинге къарасанг а,
Ариу сёз бла джюрегине джарасанг а,
Хар кюн сайын таза кёлек кийдирсенг а,
Алай бла кёзюн, кёлюн кюлдюрсенг а,
Тамгъа тутхан халатынгы бир тешсенг а,
Чачларынгы хар кюн тараб бир эшсенг а,
Къара-къасмакъ чаббаланы быргъасанг а,
Юлгю ала ашхылагъа къарасанг а,
Кюн узуну бу ныгъышда олтурмайын,
Къуу сёз бла кюнлеринги оздурмайын!
Сёзчюге
© Copyright: Софи Трам-Семен 2, 2022
Свидетельство о публикации №222082700932
Свидетельство о публикации №222082700932
Рецензии
