Молитва об укреплении и даровании сил
Возбранный Воеводо и Господи Иисусе Христе, Сыне Бога Живаго, мене, грехом умерщвленнаго, мене, тьмою страстей помраченнаго, просветити и оживити хотя, приклонив небеса, снизшел еси ко мне даже до смерти, смерти же крестныя. Пред сим неисповедимым величием любви Твоея Божественныя преклонялся, пред Крестом Твоим Честным, потоками Животочныя Крови Твоея изобильно напоенном, ниц распростирался, со благодарением многим, со умилением теплым, с молением слезным, с сердцем горящим, вопию Ти песнь сицевую, мольбу Ти приношу таковую: Господи Иисусе Христе, Сыне Божий, в несении креста спасительнаго, десницею Твоею мне низпосланнаго, укрепи мя, в конец изнемогающаго. Аминь
© Copyright: Александр Блюм, 2022
Свидетельство о публикации №222090401657
Свидетельство о публикации №222090401657
Рецензии