/анамы дерслеринден/
Ой, аланла, бургъу джел быргъысын бургъанды,
Кёк бла джер бир-бирине ёшюн-джалкъа болгъанды,
Бурула-бурула джерге уа бурнун ургъанды,
Бу табхан затын а, къатыш-къутуш этиб джутханды,
Кюн айыгъына да туура джасакъчылай тургъанды.
Хайда марджа, сюрюулени тыйыгъыз,
Сабий-сюбюйню джыйыгъыз,
Тау этеги таба тобукъ къыйыгъыз,
Бургъу аллы сибирик джел келгенди,
Аждагъандан хапар келтиргенди,
Бургъу келгенлей къум къанатланыр,
Кётюрем гылджа аякъланыр,
Эй, марджала, ашыгъыгъыз,
Таугъа ташха къысылыгъыз,
Бургъу талада суурур,
Къаягъа тийсе къырылыр.
Ой, амал билген-амал бла,
Амал билмеген-аман бла.
Бургъу джел
© Copyright: Софи Трам-Семен 2, 2022
Свидетельство о публикации №222090601208
Свидетельство о публикации №222090601208
Рецензии