Ашыкъны сёзю джюрекден чыгъар,
Акъыл сюзгючден сюзюлюб агъар,
Кертини = махдар, аманны - сёгер,
Аны ючюн да чекмезин чегер.
Байракъны тутхан айгъакъ болады,
Аны бетине боран урады,
Аны аллына зары чабады,
Аман, иги да джагъыу джагъады.
Бюгюннгю кюнде керти – керахат,
Ётюрюк болуб тёрню алгъан зат:
Керти ашыкъгъа къара тартылыб,
Болумсузланы джолу ачылыб.
Джалауч къауум «джырчыладыла»,
Къытакъыл къауум хыртчыладыла,
Къуллукъчу къауум - амандан ары,
Кимге баш салсын инджилген джарлы?!
Атама
© Copyright: Софи Трам-Семен 2, 2022
Свидетельство о публикации №222090601237
Свидетельство о публикации №222090601237
Рецензии