Целяханы. Дажынкi-2022. Вернiсаж
Першага студзеня бягучага года быў выдадзены Указ Прэзідэнта нашай краіны, які аб’явіў 2022 год у Беларусі Годам гістарычнай памяці. Прыняцце такога рашэння было прадыктавана неабходнасцю фарміравання аб’ектыўных адносін грамадства да гістарычнага мінулага, захаванню і ўмацаванню адзінства беларускага народа.
У рамках рэалізацыі Указа напярэдадні правядзення абласнога фестывалю “Дажынкі”, другога верасня 2022 года, ў пасялковым Цэнтры культуры і вольнага часу была адкрыта выстава “Целяханы – маляўнічы край”. Ініцыятар афармлення выставы – мастак Віктар Сагановіч, ураджэнец Целяхан; яго актыўныя памагатыя – Наталля Бінкевіч, дырэктар Целяханскага Цэнтра культуры і вольнага часу і Святлана Крэк, старшыня Савета ветэранаў пасёлка Целяханы.
Віктар Мікалаевіч – целяханскі самародак, які валодае свежым, незашораным поглядам на прыроду роднага Палесся. Пейзажамі і нацюрмортамі Майстра можна любавацца бясконца, знаходзячы ў іх новыя адценні і значэння. Пачынаючы з 1984 года, два-тры разы на год, выставы мастака праходзілі ў гарадах Беларусі (Брэст, Барысаў, Навагрудак, Мінск), Расіі (Масква), Польшчы (г.Бяла-Падляска), Германіі (г.г.Берлін, Альтэна), Францыі (г.Шатэль-Сэнсуар), ЗША (музей Simmerly).
Часцей за ўсё Віктар Мікалаевіч выстаўляе свае работы ў палескім горадзе Пінску, месцы свайго пастаяннага жыхарства. Не застаецца без увагі і малая радзіма мастака; ён рэгулярна арганізуе пленэры на штогадовым фестывалі “Целяханскі бічаўнік”.
Атрымаўшы інфармацыю аб маючай адбыцца выставе, я ўзрадавалася: з’явілася магчымасць пагрузіцца ў мінулую рэальнасць нашага пасёлка; бо шматлікіх аб’ектаў, намаляваных на палотнах мастака, ужо не існуе ці вонкавы выгляд іх зведаў істотныя змены.
У афішы мерапрыемства было пазначана яшчэ і прозвішча Сідзюка Аляксея Канстанцінавіча, першага настаўніка малявання Віктара Сагановіча. Мяне кранулі беражлівыя адносіны вядомага жывапісца да памяці Настаўніка, які пайшоў з жыцця менш за год таму.
Адкрываючы выставу, Віктар Мікалаевіч адзначыў, што частка экспазіцыі ласкава прадстаўленая сваякамі Аляксея Канстанцінавіча, належыць яго пэндзалю.
Карціны Настаўніка былі размешчаны ў самым пачатку паказу: партрэты маці, бацькі і краявіды беларускай прыроды. Перайшоўшы да экспанатаў вучня, я заўважыла некаторае, ледзь улоўнае, падабенства з работамі Аляксея Канстанцінавіча.
Пасля завершэння першага дня мерапрыемства арганізатары выставы аб’явілі, што яна працягнецца тыдзень.
Гэтай акалічнасцю і скарысталіся мы з пляменніцай Валенцінай Фёдараўнай Ярмаловіч трэцяга верасня, у дзень правядзення ў пасёлку абласных “Дажынак”.
Абыйшоўшы ўсе гандлёвыя рады, “Горад майстроў”, майстар-класы народных умельцаў, выставу сельскагаспадарчай тэхнікі і аўтамабіляў, зайшлі ў мастацкую галерэю.
Напярэдадні мне не ўдалося дэталёва разглядзець тварэнні Віктара Мікалаевіча; у дзень фестывалю наведвальнікаў было менш і ніхто не перашкаджаў нам услых разважаць аб убачаным:
– А, гэта бацькоўскі дом Віктара! А гэта яго бацькі: Клаўдзія Сцяпанаўна і Мікалай Мікітавіч! А гэта наш целяханскі святар – айцец Іоан, у свеце – Струкоўскі Іван Фёдаравіч, – разглядаючы партрэты, увайшла Валенціна ў ролю экскурсавода.
– А гэта касцёл, а гэта азярцо каля школы-інтэрната, а гэта канал Агінскага! – падтрымала я пачынанне пляменніцы.
– А гэта дзесяты шлюз канала, а гэта Лысая гара, а гэты нацюрморт – прадукцыя гуты! – не адставала Валенціна ў пераліку вядомых целяханцам месцаў.
У галерэю зайшла яшчэ адна група наведвальнікаў, якая перапыніла наш дыялог-спаборніцтва.
Неўзабаве пачалося ўрачыстае шэсце калоны дэлегатоў фестывалю “Дажынкі” і мы паспяшаліся да цэнтру святочных падзей.
У публікацыі скарыставаны матэрыялы выдання VIKTOR SAGANOVICH Art & Life.
Свидетельство о публикации №222093000421
Подумалось, ведь память это не просто мостик между прошлым и настоящим, это не просто ориентир для будущего, зачастую это еще и некая основа, без которой невозможно создать что-то новое.
И, наверное, воистину выглядит неразрывной связь, когда ученик продолжает дело учителя, но никогда не забывает о своем наставнике, в обязательном порядке акцентируя внимание на работе своего предшественника.
И снова подумалось - "Пока нас помнят, мы продолжаем жить.."
С глубочайшим уважением,
Сергей Макаров Юс 27.08.2023 19:09 Заявить о нарушении
Искренне благодарю за отзыв!
Вы правы: достойна уважения позиция состоявшегося художника, который хорошо помнит, кто научил его держать кисть и делать первые мазки ...
Виктор Саганович никогда не забывает напомнить поклонникам его таланта имя своего Учителя.
С глубочайшим уважением и самыми добрыми пожеланиями.
Нелли Фурс 28.08.2023 12:21 Заявить о нарушении