Пытанне
Я сядзеў. На лаўцы. Стаміўся і нашмуляў ногу.
Амаль ў адзіноце. У Жоўтай Царкве.
Тут. На Нямізе.
Трэба было з Госпадам параіцца. Старое пытанне колькі год не давала мне спакою.
Раптам, у кутку, за красцільнай чашай , хрукнуў і нягучна заіржав поп. Малады такі бацюшка. Год трыццаці. Вагой пад сто кіло. Русая барада.
Ціскаў пальцам у смартфона.
Неяк мне няёмка зрабілася.
І я пайшоў.
Падняўся па лесьвіцы. Угору. Да пляца Волі. Да Касьцелу Панны Марыі. Можа там Пан Бог, нарэшце, дасць мне параду.
Я сядзеў на першай лаўцы. У паўзмроку на асьпідзе свяцілася акенца.
У адзіноце.
Пан Бог маўчаў. У адзіноце.
Я выйшаў на паветра. Падняў каўнер. Халодны дожджык пачаў секчы мне твар.
Насунуўшы картуза на вочы, я рушыў у цемру.
Я б щчэ у Халодную Сінагогу завітаў бы.
Але яе німашака, як пяцьдзесят сем год. Як і мне.
Божачка, дзе ж ты схаваўся ад мяне?
Менск, навошта ты мяне водзіш па святых месцах...
Свидетельство о публикации №222100100916