Адлятаюць птушкі,
Восень на двары.
Б'юцца ў шыбы мушкі,
Следам – камары.
Ад вятроў халодных
Высахла быллё.
Вецер – воўк галодны,
Абламаў галлё.
Стогне, завывае
Вечарам сівым.
Лісці – дружнай зграяй
Прызямляцца ім.
Скончыўся раптоўна
Іх нядоўгі век.
Вецер знёс гвалтоўна,
Той яшчэ абрэк.
Неяк гола, пуста
Стала на палях.
Там адна капуста –
Барыня ў брылях.
Адлятаюць птушкi
© Copyright: Татьяна Цыркунова, 2022
Свидетельство о публикации №222101700404
Свидетельство о публикации №222101700404
Рецензии
