Джер тюрлениусюздю, келбетин атмады,
Кюн да мыдах болуб джолундан къайтмады,
Ай да, кёк джюзюнде, хаты бла барады,
Джел да, эскидеча, хауаны бурады,
Миллет да джашайды уруш болмагъанча,
Анда ёлгенледен кёрле толмагъанча,
Иблисчи итледен заран джетмегенча,
Халкъны къырыр хыйля ала этмегенча.
Къара "илму" хорлаб акъылны къысханды,
Джаханим хауасы Джер юсюн басханды,
Халкъланы алдайла эки бетли шатла,
Къарала-кёбейе, тас болалла акъла.
Адам хали тюлдю бу туруугъа тёзюу,
Сакълау джангылычды, "келликди"-деб, "кёзюу"...
Палах-босагъада, ёлюм тёрге ётдю,
Не-бар, не-джокъ болуу Адам-Улгъа джетди.
Къыйынлыкъ
© Copyright: Софи Трам-Семен 2, 2022
Свидетельство о публикации №222111101665
Свидетельство о публикации №222111101665
Рецензии