Тердемак

/Мокшанский язык/
Изображение: источник - интернет

Шобда ошть кучкаса
Пиземть ала ащан.
Ваймозевок кельмось,
Ашкодомань весь.
Кельгомазень мархта
Тона кизоть пращань,
Сяка ашезь кадов –
Тяряфтонь аф весть.

Идемак, идемак, кельмода,
Идемак сельмоди сельмода.
Тердемак кудозот, тердемак,
Ваксозон озак и эждемак.

Мяляфтса, тон кода,
Виздезь, ляйть трваса
Тошкать: «Келькте-келькте»,
Тяшттне кулезь тянь.
Ванфце –  сенем менель,
Кода сонь юкстасак!
Сявить мархтот менельть,
Инксонза мон сань.

Идемак, идемак, кельмода,
Идемак сельмоди сельмода.
Тердемак кудозот, тердемак,
Ваксозон озак и эждемак.

Виденцялеть, эсон
Катк цютькя, но кельгат,
Лятфнематне колган
Таколфттядязь тонь.
Пильгокитнень палсезь
Цильфокс тулень мельгат,
Содаса, аф кельгат,
Аф учсамак монь.

Идемак, идемак, кельмода,
Идемак сельмоди сельмода.
Тердемак кудозот, тердемак,
Ваксозон озак и эждемак.

Шава ошть кучкаса
Начка ваймот ащан.
Рахси лангсон пиземсь:
«Куду архт, чудак!
Кельгомацень мархта
Кда явоть-пращать,
Тят ужяльде эста,
Мезе ульсь исяк».