/Мокшанский язык/
Изображение: источник - интернет
Ашкодомак тядякс, мазы мокшень мастор,
Озафтомак элезот тихольди иднякс.
Аяш оду лацот ванфонь салай васта,
Аф путте тонь вестьке омба ширьхнень ваксс.
Кадок панда прясна менельти синь токайхть,
А пильгалснон штасазь морят-океатт.
Ваномс мазышиснон ламоц веськат нокайхть,
Дивань крайхнень ёткса ламос аф кирдят.
Терди розень паксясь, вармать мархта тошкайсь,
Маланяти озак – вайгяленц кульсак.
Сенем лентакс таргавсь велеть песа Мокшесь,
Пиндолды шить ала, варжамонза сак.
Виде ронга келусь, беряксонза касысь,
Учи – удерясак сянгяря руцянц…
Седиестот лажатфть мокшень масторсь сявсы,
И ужяльдьсы тядякс тихольди иднянц.
Мокшень мастор
© Copyright: Елена Николаевна Шилова, 2022
Свидетельство о публикации №222112100985
Свидетельство о публикации №222112100985
Рецензии