"Зет"- ни англамы - саутду, къылыч,
"Джети" санауну танытхан затды,
Ол масон "динде" бек сыйлы шартды,
Ансыз болмайды къара-табыннгыч.
Ючгюл хотала андан киелле,
Ортагъа тёртгюл джамауну тигиб,
"Зет" бла "джетини" тилге келтириб,
Табыныуларын алай этелле.
Сора бу тамгъа нек келди бизге?
Аскерибизге неден аталды?
Шахарда, элде "зет" нек джазылды
Хар тёр джерледе, тюшерлей кёзге?
Ол къарлау бла юсю джасалыб
Аскер нек чыкъды чекден, алланыб,
Шам-къралыбызгъа айыб салдырыб,
Хоншу миллетни къаргъышын алыб?
Масон къарлаулу байракъ тюбюнде,
Соруу сормайын "некди, деб, уруш",
Болуб къалгъанча мыйысыз манкъуш,
Нек сант турабыз кюню-кюнюнде?
Алда чынгылны нек кёралмайбыз?
Неди башладан акъылны алгъан?
Сарыубеклеге къылыкъ-къын салгъан
Нарт аталача нек болалмайбыз?
Манкъушму болдукъ?
© Copyright: Софи Трам-Семен 2, 2022
Свидетельство о публикации №222121901179
Свидетельство о публикации №222121901179
Рецензии