Х1ажатаб калам Г1арабиязул к1алзул хазина

Малъа-хъваял,насих1атаб хабар

   Ункъго жо буго,ункъгоялъул кумекалдалъун гурони гьабизе к1олареб:х1укуматалъе бет1ерлъи-рит1ухълъиги гьеч1ого гьаби,тушман къезавизе г1ураб гъунки-къуват гьеч1олъи, х1алимлъи гьеч1ого г1адамазе вокьи,сабру чорхолъ гьеч1ого мурадалде щвезе бокьи.

   Ункъго жо гьаре какда цебе ва хадуб:гьудуласул квер,лъик1лъи гьабизе таваккал,г1умру берцинлъиялъе х1аракат,Аллагьас рижараздехун гурх1ел-рах1му.

   Ункъго жо гьабич1ого те:х1алихьатасда т1аджо къай, мунафикъасе лъик1лъи гьаби,х1алт1улъ виха-ч1варкьи ва нафсалъул низам бихун саяхъ хьвади.

   Ункъго жоялда гъорлъ буго кверщелалъул къуват: рит1ухълъиялъулъ ва бихьинчилъиялъулъ, г1аданлъиялъулъ ва сахаватлъиялъулъ,квер г1ат1илъиялъулъ ва разилъиялъулъ,х1алимлъиялъулъ ва рак1 гурх1иялъулъ.

   Ункъго жо- г1амалалъул берцинлъи:рит1ухълъи ва намус бац1алъи,сабру ва г1акълу,къо х1ехьей ва г1одов виччай,ламуслъи ва нич чорхолъ бук1ин.

   Ункъго жо ккола талих1алъе квербакъи гьабулел:иман бац1ц1ад кквей,рек1елъ жах1да гьеч1олъи,бит1араб къимат кьезе лъай ва х1арамалдаса рик1к1алъи.

   Ункъго жоялъ талих1 къинабула инсанасул:г1адамал рихиналъ,
гьел жойиде гьарунгурт1иялъ,хъант1иялъ ва хазина(маг1ишат) г1емерлъиялъ.

   Ункъго жо,жиб гьит1инаб жоялда гъорлъ ругониги к1одолъи бугел руго: тушман,ц1а,унти ва лъай.

    Ункъго жоялъ т1аде ункъгоги бач1уна:т1ирунч1еялъ-рогьо,ццидаца-рак1 бух1и,бугьтаналъ-тушманлъи,к1вах1алъ-кьог1аб къисмат.

   Ункъго жоялъ заг1ип гьабула инсанасул черх:тушбаби г1емерлъиялъ,налъаби ц1ик1к1иналъ,зинаялде г1ащикълъиялъ,
ва мискинаб г1агарлъиялъ.
Ункъго жоялъ т1аг1инабула цойги ункъго:х1алих1алъиялъ-лъик1лъи,г1адлу бихиялъ-къуват,агъаз гьеч1олъиялъ-хъулухъалъулаб иш,пахрулъиялъ-г1адан вокьи.

   Ункъго жо нахъ буссинабизе к1оларо:абураб раг1и, реч1ч1араб ч1ор, нахъе тараб г1умру,биччантараб рес.

   Ункъго жо бук1унаро гьал ункъгоязул:сахаватлъи-гьерсихъанасул, бугелда г1ей гьаби –къарумасул,рах1атаб г1умру-рак1 квешасул,къадру-хъурумсахъасул.
Г1олохъабазе сайгъаталъе
   Г1акъилав вуго,жив:
-жиндирго къасдазулъ щулияв;
-г1акъилазулгун гьудуллъи ккурав;
-заманаялда кант1улев.
Чара гьеч1ого бечелъула:
-х1алт1улъ дурусав,бича-хисиялъулъ ц1уна-къай бугев;
-жиндирго лъай дагьабги гъварид гьабулев;
-мехтелалде ва руччабазе машгъуллъи гьеч1ев;
-кват1ун веганиги цудунго вахъунев;
-рокъоб хъизаналда гьоркьоб гьуинлъи бугев.
Ах1макълъи буго:
-кодоб г1арацги бук1ун налъи кьунгурт1и;
-жиндилъго т1екълъи бук1ин лъаниги, гьеб хисизабич1ого ч1ей;
-ресукълъиялда вугониги г1адамазда бечедавлъун вихьизелъун гьавуди.
Сурараб жо буго:
-живго веци;
-х1иллачилъун вук1ин.
Рес гьеч1ого мискинлъула:
-рокъой к1ух1алай ч1ужуг1адан йигони;
-хекко веганиги кват1ун вахъунев;
-жиндиего кьураб тарбиялдаса хашго лъималазе тарбия кьолев;
-кидаго мехтелалде г1ащикъав ва бат1и-бат1иял х1аязде машгъулав;
-рек1елгъеялъул х1аязде х1асрат бергьиналъ х1алт1и к1очарав.
Г1антлъи буго:
-вакъарасе чай кьей;
-кибго сверун ц1а рек1индал гьеб свинабизе буюрухъ хъвазе лъугьин.
Т1убан г1енеккизе бегьуларо:
-питначиясе-адабияталъул бицунелъул.
К1иц1улго рах1атхвей бач1уна:
цоц1ул рек1к1 гьабурасда аск1ове ккедал гьесул хъант1и бихьидал.
Нилъее мунфаг1ат гьеч1о:
-чияр кисиниб бугеб г1емераб г1арцул;
-хун хадуб кьураб шапакъаталъул.
Х1ехьезе зах1малъула:
-ч1ужуг1аданалъулъ даг1бади;
-х1акимзабаца нилъ жойиде гьарунгурт1и.
Махсароде кквезе к1оларо:
-мехтел гьекъоларей ч1ужуг1адан;
-г1акъилаб лъимер.
Рак1 холеб жо:
-машгьурав,сахаватав чияс жиндирго къадру г1одобе рехи.
Х1аладаса инарула:
-кьер-кьерал ниг1матал цере лъедал,нилъер унтараб т1ул бук1иналъ.
Г1адада хола:
-даг1ба-раг1иялда бугеб хъизаналъул маг1ишат;
-ц1акъго ч1ух1араб мина-карт,жинда жаниб релъи-хъуй гьеч1еб.