Г1умруялъул т1елхал

   1.Нилъеда бигьаго к1очона нилъерго г1айиб,г1иц1го нилъедаго лъалеблъун гьеб лъугьани.
   2.Халкъ ресукълъиялде ккей-т1ад таразул такъсирияб иш ккола.
   3.Язихълъи-такъсиралъул эбел батани,г1акълудал мискинлъи-гьелъул эмен ккола.
   4.Бечедавлъун вук1ин талих1 батани,бечедазул дагьал гурого талих1ал рук1унаро.
   5.Киназдаго г1айиб бугеб бак1алда-г1айибияв ватуларо.
   6.Г1емерав гаргадулев чи-ургъун раг1и бицунарев ккола.
   7. Ургъич1ого калам г1уц1ц1иги,жаниб гулла гьеч1еб ярагъ х1алт1изабиги-цого жо ккола.
   8.Щиб жо кколеб къварилъи? К1удияб океан.Талих1 щиб жо кколеб? Гьелъул т1инда бугеб жавгьар.
   9.Г1емер мунагь гьабурал ц1одорал лъугьуна.
   10.Г1арац-рагъул ччорбал ккола.
   11.Инсан г1акъилавги,х1алимавги вугони,цойгидазул г1амалалда гъорлъги гьебго хасият бихьула гьесда.
   12.Анищал-хьулазул кини ккола.
   13.Ццидалав чи киданиги талих1авлъун вук1унаро.
   14.Бочкаялда жаниб бугеб чагъиралъул хасият бугелги рук1уна г1адамал:т1аса –полоп,т1инда-чороклъи,бакьулъ-г1иц1го бац1адаб чагъир.
   15.Т1абиг1ат мут1иг1лъула г1иц1го т1абиг1аталъе мут1иг1лъулезе.
   16.Талих1алъухъ балагьун ч1езе лъайги-талих1 ккола.
   17.Г1абдалзабазда г1акълу дандбай-беццазе канлъи баки ккола.
   18.Дир дин-кинабго дунялалда бугеб ч1аголъи бокьи ккола.
   19.Эркенавлъун вук1ине бокьани-рит1ухъавлъун вук1а.
   20.Киналго г1адамазе бокьун бук1уна сонал г1емерал разе,амма лъиего бокьуларо херлъизе.
   21.Ц1ук1абиги къвак1ула жидекьа х1инкъулел дандч1вадал.
   22.Г1акъилаз ц1али гьабула лъай щвеялъе,жагьилаз-жалго машгьурлъиялъе.
   23.Маг1ишат дагьав гуро мискинав,г1емераб жиндие х1ажалъулев.
   24.Жиндирго бечелъиялдаса бит1ун пайда босизе лъаларев-исрапчи ккола.
   25.Бечелъи лъик1аб буго нилъее хъулухъ гьабулеб,гьеб ц1акъго квешаб буго нилъеда т1ад квершел гьабулеб.
   26.Бечелъи ц1ик1к1иналда цадахъ ургъелалги г1емерлъула.
   27.Бищунго к1удияб бечелъи-рек1елъ хъант1и гьеч1олъи.
   28.Бечелъиги, ралъдал лъимги цого жо буго,гьеб гьекъанаг1ан къеч къинабизе к1оларо.Бугог1ан г1арац-меседги г1оларо.
   29.Х1алт1уде гъира гьеч1езул к1ал ч1оларо.
   30.Иман-гьеб ккола ях1алъулги намусалъулги цоцалъ рекъей.
   31.Живго ах1макъав вук1ин бич1ч1улев-ах1макъ кколаро.
   32.Сонал анаг1ан кинабго уна инсанасул г1умрудал: г1олохъанлъи, берцинлъи, сахлъи,къуват,амма г1иц1го г1антлъи нахъе унаро инсанасдаса.
   33.Киназдасаго г1акъилав вук1ине бокьиялдаса к1удияб гьаглъи гьеч1о.
  къезабизе таваккал т1аме.
   35.Чияр г1узраби рихьарав г1акъилас, жиндиргоял лъуг1изаризе х1аракат бахъула.
   36.Г1адамал киданиги эркеналлъун рук1унаро,эркенлъиялъе данде кколеб тарбия щвеч1они.
   37.Гьереси бицунарев ккола унго-унголъун эркенав.
   38.Ракьа гьеч1еб чуг1а бук1унареб г1адин,г1унгут1аби камурав инсанги вук1унарев.
   39.Жидерго г1унгут1аби г1емеразда, чияр г1унгут1аби г1емер рихьула.
   40.Дунял жеги лъиданиги зулмуялдалъун ва х1инкъизабиялдалъун бит1изабизе к1веч1о.
   41.Гьаб дунял нилъеца тезе буго ах1макъаблъун ва ццидалаблъун, гьединаблъун гьеб нилъ рижилалдеги бук1ана.
   42.Кинаб мунпаг1ат буге г1акълуялдалъун т1ехь ц1ализе лъаларасе? Беццасе мат1уялъ кумек гьабулищ?
   43.Дурго рек1ел къасдал рац1ад рук1иналда т1ад х1алт1е.Ах1макъал къасдазул асир мун гьеч1они,г1антал ишал гьаризе нигат лъоларо.
   44.Бокьарасе ихтияр кьун буго ах1макъавлъун вук1ине.
   45.Ццидадалъун щибниги х1алт1и байбихьуге.Ралъад багъаридал гамида рек1ине къасд ккурав, г1абдал ккола.
   46.Бах1арчияб рух1алъул къаркъала бук1унаро.
   47.Инсанасда,х1ажаталдаса,пайда гьеч1еб,г1емер лъала.
   48.Дунялалда ц1ик1к1арасеб щиб? Ц1ик1к1арасеб-гьаглъи. Г1акълу-дагьазул гурого гьеч1о.
   49.Жиндиего рах1атаб  г1умруялъе ва х1инкъи гьеч1олъиялъе хъулухъ т1алаб гьабулев ккола- вулканалъул т1огьиб живго хвасарлъизе бак1 балагьулев.
   50.Цояв х1акъир гьабиялъул мурадалда х1акимлъуда вугев-жиндирго г1умру къокълъизабулев ккола.
   51.Ц1ик1к1ун мехтарасда балъголъи ц1унизе ва кьураб раг1и кквезе бажаруларо.
   52.Бицине жо лъалареб мехалда калам хашаб бук1уна.
   53.Хъулухъчиясул рак1 бот1рода жаниб бук1ине ккола.
   54.Рек1еца гьабулеб лъик1лъи-гьеб дуего батулеб лъик1лъи.
   55.Сундуе нилъее дунялалъул бечелъаби,заг1ипаб чорхол иманги тун?
   56.Лъик1лъиги,квешлъиги-к1иго цоцалъ жубараб г1ор ккола,гьел цоцадаса рат1а гьаризе к1оларо.
   57.Лъаларо кинаб лъик1аб?Хайир кьолеб квешлъийищ,яги зарал кьолеб лъик1лъийищ?
   58.Квешав чиясе лъик1лъи гьаби-лъик1ав чиясе квешлъи гьабиялдаса квешаб буго.
   59.Лъик1ал къасдал- къанаг1атаб чан раг1абазул рохьоб.
   60.Нилъер г1акълудалъ  к1вах1 ц1ик1к1ун буго чорхолъалдаса.
   61.Жиндирго нафсалъе тимар гьабизе к1оларев,цойгидазда т1ад квершел гьабизе лъугьин-ах1макълъи буго.
   62.Лъимер гьабиялъул нуг1лъи гьабулеб кагътида хъвала кив ва кида гьев гьавуравали,амма хъваларо сундуе гьев гьавуравали.
   63.Бец1лъи бат1а бахъизе лъаларев чияс канлъиялъул ургъел гьабуларо.
   64.Сахаватлъиялъулъ заг1ипав вук1ин-г1акълуялъул мукъсанлъи ккола.
   65.Раг1уцаги кумек гьабуларасе, т1илицаги кумек гьабуларо.
   66.Инсанасе бищунго къабул гьабизе бокьулареб жо ккола г1акъилал малъа-хъваял.
   67.Даг1баялъухъ г1енеккизе лъай,амма гьелда гъорлъе лъугьунге.
   68.Г1акълуялдалъун бечелъи щвезе рес буго,амма бечелъиялдалъун г1акълу т1алаб гьабизе к1оларо.
   69.Руго ц1алдохъаби- жидеца т1ахьал хъвадарухъанасул гъалат1ал ралагьизелъун ц1алулел.
   70.Махсароги,кванилъ х1алт1изабулеб ц1ам г1адин,роцада х1алт1изабизе х1аракат бахъе.