ХIАЙ, НОХЧО!
ХIай нохчо!, Хьо зуьйш ву замано...
Хьо зуьйш ву хиламийн чалхаш...
Хьо зуьйш ву йахьечу амало...
Хьо зуьйш ву хIиллечу хабараш...
Вай боху: «Ма-довла дАкъаза!
МостагIшна, доггаха, там бан ма-гIерта!
Тоде шайн гIиллакхаш, схьадолу аз а...
Цхьаъ бу вайн дай а, тIедуху верта а...».
Амма хIун дер-ткъа?! Къорачунна цахеза...
Мел аларх йа дийцарх... йух-йуха..., эзарза...
Хам боцуш ларийнарг – ма-дайна хийлаза...
Хадийнарг – ма-хаьдда, цахаьдчи даланза!
«Вай цхьаъ ду!» – цхьаволчо аларах,
«Вежарий ду!» – гуламехь кхайкхорах...
Йукъ-йукъара гIиллакх а гайтарах...
Наггахьа йахь йерг а валарах...
Ма-сихло, хIай нохчо!, теша...
ХIил долчунна оьшу хьан иэшам!
Эхь доцчунна тIе дан эхь дац хьуна,
Йахь йоцчо тешнабехк бо хьуна!
2018 ш. 12 декабрехь
ХIай, нохчо!
© Copyright: Дахо Алви, 2023
Свидетельство о публикации №223031201079
Свидетельство о публикации №223031201079
Рецензии