Песнь 2

Вску'ю язы'цы шата'шася, и лю'дие тще'тным поучи'шася?
Ца'рие зе'мстии и кня'зи предста'ша,
вку'пе собра'шася на Го'спода и на Его' Христа':
их у'зы расто'ргнем и от нас отве'ржем их и'го.
 
Госпо'дь тогда' им посмее'тся,
к ним гне'вом свои'м возглаго'лет,
и Живы'й на Небесе'х им поруга'ется
и я'ростию Свое'ю я смяте'т.

Аз есмь Царь поста'влен же от Него'
над Сио'ном, горо'ю свято'ю Его'.
Госпо'дь рече' ко Мне: возвеща'яй Госпо'дне повеле'ние:
Аз роди'х Тя днесь, Ты Мой Сын еси', от Мене' проси',

и дам Ти Твое' достоя'ние - язы'ки,
и Твое' одержа'ние - концы' земли'.
Я желе'зным жезло'м упасе'ши,
я'ко сосу'ды скуде'льничи сокруши'ши я.

И ны'не, ца'рие, разуме'йте: со стра'хом Го'сподеви рабо'тайте
и с тре'петом Ему' ра'дуйтеся.
Наказа'ние приими'те,
да не когда' Госпо'дь прогне'вается,

и вско'ре от пути' пра'веднаго поги'бнете,
егда' Его' я'рость возгори'тся.
Накажи'теся, вси судя'щии земли',
блаже'ни Нань наде'ющиися вси.