Песнь 61

Не Бо'гу ли повине'тся душа' моя'?
От Того' бо мое' спасе'ние.
И'бо Той Бог мой и Спас мой,
Засту'пник мой, не подви'жуся наипа'че.

Доко'ле на челове'ка належите'?
вси вы убива'ете,
я'ко стене' преклоне'не
и опло'ту возринове'ну.

Отри'нути мою' це'ну
Оба'че совеща'ша,
в жа'жди теко'ша,
свои'ми усты' благословля'ху   
и свои'м се'рдцем кленя'ху.

Я'ко от Того' мое' терпе'ние,
душе' моя' оба'че Бо'гови повини'ся.
И'бо Той Бог мой и Спас мой,
Засту'пник мой, не преселю'ся.

О Бо'зе моя' сла'ва и мое' спасе'ние,
Бог по'мощи моея', и на Бо;га мое' упова'ние.
Весь сонм люде'й на Него' упова'йте,
сердца' ва'ша пред Ним излия'йте,
я'ко Бог наш помо'щник.

Оба'че су'етни челове'честии сы'нове,
от суеты' ти'и вку'пе,
сы'нове челове'честии лжи'ви,
в ме'рилех е'же непра'вдовати.

На непра'вду не упова'йте 
и на восхище'ние не жела'йте.
Бога'тство а'ще тече'т,
се'рдца не прилага'йте.

Бог Еди'ною глаго'ла,
дво'я слы'шах сия',
зане' держа'ва Бо'жия
и Твоя' ми'лость, Го'споди,
я'ко кому'ждо по дело'м eго' Ты возда'си.