Песнь 26

Госпо'дь просвеще'ние мое' и мой Спаси'тель,
кого' убою'ся?
Госпо'дь живота' моего' Защи'титель,
от кого' устрашу'ся?

А'ще полк на мя ополчи'тся,
се'рдце мое' не убои'тся,
а'ще брань на мя воста'нет,
аз упова'ю на Него'.

От Го'спода проси'х еди'но, то взыщу':
в дому' Госпо'дни е'же ми жи'ти 
вся дни живота' моего',
красоту' Госпо'дню ми зре'ти 
и посеща'ти храм святы'й Его'.

Внегда' зло'бующым приближа'тися на мя,
е'же сне'сти пло'ти моя',
ти'и изнемо'гоша и падо'ша,
врази' мои' и оскорбля'ющии мя.

Госпо'дь же мя восприя'т.
Я'ко в день зол мои'х, в селе'нии Свое'м мя скры,
на ка'мень мя вознесе',
в та'йне селе'ния Своего' мя покры'.

И ны'не на враги' моя' се вознесе' главу' мою',
в селе'нии Его' обыдо'х и пожро'х, 
же'ртву хвале'ния и воскликнове'ния
Го'сподеви пою' и воспою'.

И'мже воззва'х: услы'ши, Го'споди, мой глас,
поми'луй мя и мя услы'ши.
Тебе' рече' мое' се'рдце: Го'спода взыщу'.
Взыска' Тебе' лице' мое': лица' Твоего', Го'споди, взыщу'.

Не отврати' от мене' Твоего' лица'
и не уклони'ся гне'вом от Твоего' раба',
не отри'ни мене', помо'щник мой бу'ди,
и не оста'ви мене', Бо'же Спаси'телю мой,

Я'ко оста'виста мя оте'ц мой и ма'ти моя'.

На стезю' пра'вую наста'ви мя,
и в пути' Твое'м, Го'споди,
законоположи' ми враг мои'х ра'ди.

Я'ко непра'вда себе' солга',
и свиде'теле непра'веднии воста'ша на мя,
Не преда'ждь мене' в ду'шы стужа'ющих ми.

Ве'рую ви'дети блага'я Госпо'дня
на живы'х земли'.
Го'спода потерпи',
и да крепи'тся се'рдце твое',
мужа'йся и Го'спода потерпи'.