Песнь 7

Бо'же мой, упова'х на Тя, Го'споди,
изба'ви мя от всех мя гоня'щих и мя спаси':
да не когда' избавля'ющу, ниже' спаса'ющу не су'щу,
и' я'ко лев похи'тит мою' ду'шу.

Бо'же мой, а'ще зла возда'х воздаю'щым ми, Го'споди,
а'ще непра'вда в мое'ю руку' есть,
а'ще сотвори'х сие', у'бо да пожене'т враг мою' ду'шу,
и мою' сла'ву всели'т в персть.

У'бо да от враг мои'х тощ отпаду'
и да пости'гнет, и попере'т мой живо'т в зе'млю.
Суди' ми, Го'споди, по мое'й пра'вде,
и по мое'й незло'бе.

Бо'же мой, повеле'нием, и'мже запове'дал еси',
Го'споди, воскресни',
и' пра'ведно испыта'яй утро'бы и сердца',
и пра'веднаго испра'виши.

Бо'же, в конца'х Твои'х враг воста'ни,
и сонм люде'й обы'дет Тя,
и гне'вом Твои'м, Го'споди, вознеси'ся.
и о том на высоту' обрати'ся:

да сконча'ется на мя гре'шных зло'ба.
Лю'дем су'дит Бог:
Госпо'дь - суди'тель пра'веден и кре'пок, и долготерпели'в,
и на всяк день не наводя'й гнев.

А'ще не обратите'ся, очи'стит Свое' ору'жие,
лук Свой угото'ва и напряже'
и в нем угото'ва сосу'ды сме'ртныя,
сгара'емым соде'ла стре'лы Своя'.

Се непра'вдою боле', зача'т боле'знь, и роди' беззако'ние:
ров изры', и ископа', и паде'т в я'му, ю'же соде'ла.
Обрати'тся боле'знь eго' на главу' eго',
и на верх eго' сни'дет eго' непра'вда.

Моя' по'мощь от Бо'га, 
се'рдцем пра'выя спаса'ющаго.
Испове'мся Го'сподеви по пра'вде Его'
и пою' и'мени Го'спода Вы'шняго.