Песнь 32

О Го'споде пра'веднии ра'дуйтеся,
пра'вым подоба'ет похвала',
я'ко пра'во сло'во Госпо'дне,
и в Его' ве'ре вся дела'.

В гу'слех испове'дайтеся Го'сподеви,
по'йте Ему' во десятостру'ннем псалти'ри,
по'йте до'бре со восклица'нием Ему',
воспо'йте Ему' песнь но'ву.

Сло'вом Госпо'дним утверди'шася небеса',
и ду'хом Его' уст их си'ла вся.
Я'ко Той рече', и бы'ша,
и созда'шася, Той повеле',

от Него'же да подви'жутся
вси живу'щии по вселе'нней.
Вся земля' Го'спода да убои'тся,
я'ко мех собира'яй морски'я во'ды,

полага'яй в сокро'вищах бе'здны.
Госпо'дь сове'ты язы'ков разоря'ет,
отмета'ет же князе'й сове'ты,               
и мы'сли люде'й отмета'ет.

Сове'т же Госпо'день во век пребыва'ет,
и род в род се'рдца Его' помышле'ния.
Блаже'н язы'к, eму'же есть Госпо'дь Бог,
я'же лю'ди, Его' избра' себе' в насле'дие.

От жили'ща Своего' гото'ваго
на земли' вся живу'щыя ви'де,
с небесе' Госпо'дь призре'
на вся сы'ны челове'ческия.
            
Созда'вый их сердца' на еди'не,
разумева'яй на дела' их вся,
лож конь во спасе'ние,
во мно'жестве си'лы своея' не спасе'тся,

царь не спаса'ется мно'гою си'лою,
и исполи'н не спасе'тся же мно'жеством кре'пости своея'.
Лю'бит Госпо'дь суд и ми'лостыню,
ми'лости Госпо'дни испо'лнь земля'.

Се призре' Госпо'дни о'чи
на Его' боя'щыяся и на Его' ми'лость упова'ющыя,
изба'вити их ду'шы от сме'рти,
и в глад препита'ти я'.

Я'ко защи'титель и помо'щник наш есть
на'ша же душа' ча'ет Го'спода.
Я'ко упова'хом во и'мя Его' свято'е,
возвесели'тся о Нем на'ше се'рдце,

ми'лость Твоя' на нас бу'ди,
я'коже упова'хом на Тя, Го'споди.