Песнь 33

На вся'кое вре'мя Го'спода благословлю',
Его' хвала' во усте'х мои'х вы'ну,
похва'лится о Го'споде моя' душа',
да услы'шат кро'тцыи и возвеселя'тся.

Го'спода взыска'х и мя услы'ша,
и от всех мои'х скорбе'й изба'ви мя.
Го'спода со мно'ю возвели'чите
и вку'пе вознесе'м Его' и'мя.

Просвети'теся и приступи'те к Нему',
и не постыдя'тся ли'ца ва'ша.
Стра'ху Госпо'дню вас научу',
послу'шайте мене', прииди'те, ча'да.

Бога'тии обнища'ша и взалка'ша,
не лиша'тся же вся'каго бла'га взыска'ющии Го'спода.
Воззва' ни'щий, и Госпо'дь услы'ша сей,
и спасе' от всех eго' скорбе'й.

Вкуси'те и ви'дите, я'ко благ Госпо'дь,
блаже'н муж, и'же упова'ет Нань.
Вси Его' святи'и, Го'спода бо'йтеся,
я'ко Его' боя'щымся несть лише'ния.

Кто' есть челове'к живо'т хотя'й,
любя'й ви'дети бла'ги дни?
Удержи' язы'к твой от зла,
и устне' твои', е'же не глаго'лати льсти,

бла'го сотвори' и от зла уклони'ся,
и' ми'ра взыщи', и пожени'.
О'чи Госпо'дни - на пра'ведныя,
и моли'тву их - в Его' у'ши.

Лице' же Госпо'дне на зла'я творя'щыя,
е'же потреби'ти их па'мять от земли'.
Пра'веднии воззва'ша, и Госпо'дь их услы'ша,
и от всех их скорбе'й их изба'ви.

Госпо'дь близ сокруше'нных се'рдцем,
и спасе'т ду'хом смире'нныя.
Мно'ги ско'рби пра'ведным,
и Госпо'дь их изба'вит от всех я'.

Храни'т Госпо'дь их ко'сти вся,
и' ни еди'на от них сокруши'тся.
Прегре'шат ненави'дящии пра'веднаго,
и гре'шников смерть люта'.

Госпо'день А'нгел ополчи'тся
о'крест Его' боя'щихся,
и изба'вит их, и' изба'вит Госпо'дь раб Свои'х ду'шы,
и не прегреша'т, вси на Него' упова'ющии.