Песнь 44

Аз глаго'лю моя' Царе'ви дела':
мое' се'рдце бла'го сло'во отры'гну,
мой язы'к - трость кни'жника скоропи'сца.
Па'че сыно'в челове'ческих красе'н добро'тою,

во устна'х Твои'х благода'ть излия'cя,
сего' ра'ди Тя Бог во век благослови'.
Ди'вно десни'ца Твоя' наста'вит Тя,
и Твой мечь по бедре' Твое'й си'льне препоя'ши,

и ца'рствуй ра'ди и'стины и кро'тости, и пра'вды,
наляцы', и успева'й Твое'ю красото'ю и Твое'ю добро'тою.    
В се'рдцы царе'вых враг Твоя' стре'лы изощре'ны,
си'льне лю'дие паду'т под Тобо'ю.

Возненави'дел еси' беззако'ние
и возлюби'л еси' пра'вду,
жезл пра'вости - жезл Твоего' Ца'рствия,
Престо'л Твой, Бо'же, в век ве'ка. 
 
Сего' ра'ди пома'за Тя, Бо'же,
Бог Твой еле'ем ра'дости,
Твои'х прича'стник па'че.
От Твои'х риз сми'рна и касси'а и ста'кти,

от тя'жестей слоно'вых, из ни'хже Тя возвесели'ша.
Дще'ри царе'й в Твое'й че'сти,
одесну'ю Тебе' предста' Цари'ца,
в позлаще'нных ри'зах оде'яна и преиспещре'на.

Слы'ши, Дщи, и виждь, и у'хо Твое' приклони',
и забу'ди лю'ди Твоя', и дом Твоего; отца'.
И возжела'ет Царь добро'ты Твоея', и поклони'шися Ему',
зане' Той есть Госпо'дь Твой.

Помо'лятся лицу' Твоему'
дщи Ти'рова с да'ры и бога'тии лю'дстии, 
сла'ва Дще'ре Царе'вы внутрь вся,
ря'сны златы'ми оде'яна и преиспещре'на.

Приведу'тся Царю' де'вы в след ея',
и'скренния ея' приведу'тся.
Тебе' приведу'тся в весе'лии и ра'довании,
в Царе'в храм введу'тся.

Вме'сто оте'ц Твои'х бы'ша сы'нове Твои',
поста'виши я' кня'зи по всей земли'.
Помяну' во вся'ком ро'де и ро'де Твое' и'мя,
сего' ра'ди лю'дие испове'дятся Тебе' во век и в век ве'ка.