Песнь 43

 Бо'же, услы'шахом на'шима уши'ма,
 и отцы' на'ши нам де'ло возвести'ша,
 е'же соде'лал еси' во днех их,
 во днех дре'вних.
 
 Рука' Твоя' язы'ки потреби',
 и насади'л я' еси',
 озло'бил еси' лю'ди
 и изгна'л еси' я'.
 
 Не бо мече'м свои'м зе'млю насле'диша,
 и их мы'шца их не спа'се,
 но десни'ца Твоя' и Твоя' мы'шца,
 и Твоего' лица' просвеще'ние,
 
 я'ко благоволи'л еси' в них.
 Ты Сам мой Царь и мой Бог еси',
 запове'даяй Иа'ковля спасе'ния.
 О Тебе' на'ша враги' избоде'м ро'ги,
 
 и уничижи'м востаю'щыя на ны о Твое'м и'мени.
 Не на лук мой бо упова'ю,
 и мой мечь не спасе'т мене'.
 Весь день о Бо'зе похва'лимся 
 
 и во век испове'мыся о Твое'м и'мени.
 Спасл бо еси' нас от стужа'ющих нам,
 и посрами'л еси' нас ненави'дящих.
 Ны'не же отри'нул еси' и нас еси' посрами'л,
 
 и в си'лах на'ших не изы'деши, Бо'же.
 При вразе'х на'ших нас еси' вспять возврати'л,
 и расхища'ху нас ненави'дящии себе'.
 Дал еси' нас я'ко о'вцы сне'ди,
 
 и во язы'цех разсе'ял еси' ны,
 лю'ди Твоя' еси' отда'л без цены',
 и не бе в восклица'ниих на'ших мно'жество.
 Положи'л еси' нас поноше'ние на'шим сосе'дом,
 
 су'щым о'крест нас - подражне'ние и поруга'ние.
 Положи'л еси' нас в при'тчу во язы'цех,
 в лю'дех главы' покива'нию.
 Весь день мой срам есть предо мно'ю,
 
 и покры' мя студ лица' моего'
 от гла'са поноша'ющаго и оклевета'ющаго,
 от лица' изгоня'щаго и вра'жия.
 Сия' приидо'ша на ны вся,
 
 и не забы'хом Тебе',
 и не непра'вдовахом в Твое'м заве'те,
 и се'рдце на'ше вспять не отступи'.
 Уклони'л еси' на'ша стези' от Твоего' пути'.      
 
 Я'ко смири'л еси' нас на ме'сте озлобле'ния,
 и прикры' ны сень сме'ртная.
 А'ще и'мя Бо'га на'шего забы'хом
 и а'ще ру'ки на'ша к бо'гу чужде'му возде'хом.
 
 Сих взы'щет не Бог ли?
 Той бо весть се'рдца та'йная.
 Умерщвля'емся зане' весь день Тебе' ра'ди,
 вмени'хомся я'ко о'вцы заколе'ния.
 
 Воста'ни, вску'ю спи'ши, Го'споди?
 Воскресни' и до конца' не отри'ни.
 Твое' лице' вску'ю отвраща'еши,
 забыва'еши на'шу нищету' и на'шу скорбь?
 
 Я'ко смири'ся душа' на'ша в персть,
 и утро'ба на'ша  прильпе' земли'.
 Воскресни', Го'споди, нам помози'
 и ра'ди Твоего' и'мене нас изба'ви.