Песнь 41

И'мже о'бразом жела'ет еле'нь на исто'чники водны'я,
си'це к Тебе', Бо'же жела'ет моя' душа'.
Возжада' моя' душа' к Бо'гу кре'пкому, живо'му:
когда' явлю'ся и прииду' Бо'жию лицу'?

День и нощь мне хлеб бы'ша сле'зы моя',
внегда' на всяк день глаго'латися мне:
твой Бог есть где? 
Сия' на мя помяну'х и излия'х мою' ду'шу,

я'ко в ме'сто ди'вна селе'ния пройду',
да'же до Бо'жия до'му,
во гла'се ра'дования и испове'дания
пра'зднующаго шу'ма.

Вску'ю приско'рбна еси', моя' душе',
и мя смуща'еши вску'ю?
Бог мой, и лица' моего' спасе'ние,
упова'й на Бо'га, я'ко испове'мся Ему'.

Ко мне самому' душа' моя' смяте'ся,
помяну'х Тя сего' ра'ди,
от земли' Иорда'нски и Ермонии'мски,
от горы' ма'лыя.

Призыва'ет бе'здну бе'здна
хля'бий Твои'х во гла'се,
Твоя' во'лны и Твоя' высоты' вся
на мне преидо'ша.

В день Госпо'дь запове'сть ми'лость Свою',
и но'щию от мене' песнь Его',
моли'тва Бо'гу живота' моего'.
Бо'гу реку':

Засту'пник мой еси', почто' забы'л еси' мя?
И вску'ю хожду' се'туя,
оскорбля'ет враг внегда',
мои'м косте'м внегда' сокруша'тися?

Поноша'ху ми мои' врази',
на всяк день внегда' им глаго'лати мне:
Твой Бог есть где?
Вску'ю, моя' душе', приско'рбна еси',

и вску'ю мя смуща'еши?
Упова'й на Бо'га,
я'ко Ему' испове'мся,
мой Бог и спасе'ние моего' лица'.