Баунти

                «Баунти»

      Даа х1ама кийчдеш дола ц1аг1а улар Дамира цо ши б1арг хьабийлача хана. Маьнгит1а йила аьнна хьалаъайеча сомаялар кхераш йитаер из нанас хьам юа ц1аг1а. Шорта ура хайра иза. Д1а-юха хьажача ц1аг1а саг вацар. Т1аккха дагадехар цунна тахан из я ди долга. Цунна ц1ей дездеш дукха даар даьдар нанас. Дукха мерза хьамаш ийцайер: торт, пирожнеш, конфеташ, цунна дукха еза «баунти.  Т1аккха дагайоха Дамирайна ше ца яа «баунти». Ше маца тхьайсаер хацар цунна, бакъда бе «баунти» ялальга-м дагадог1ар.  «Баунти» лох Дамирас массанахьа хьожаш. Бе ялацар, истолат1а алацар, ийна т1а яцар. Т1аккха мича яхай из? Дамирай б1аргача хий эттадар, елха кийча йолаш.
        Юкъера ц1аг1а йоакхаг1а йола йиш яг1ар ц1аг1ара болх беш. Ишколе ухар из.
-«Фарида, мичай са «баунти»?- аьнна Дамирас шийга хьаттача - «Хац даьр сона-м, Халимайга  хатта 1а…, цо яа йий хаж» - жоп лу Фаридас ела а елий.
       Дамира е Халима е цулла з1амаг1а бар. Масса хана цхьан хулар, берий беша ухаш а, ц1абаьхкача а шойла мара ловзацар. Фарида шойца ловза эттача раьза халацар, т1аккха Фарида эг1аз ухар цана.  - «Ай, бита, з1амига ма бий уж…» - аьннадар цунга нанас.
      -«Мичай Халима?»- хоат Дамирас.  - «1айха хьалах…» - юха йист хул Фарида рьаза йоацаш санна кеп а оттайий.
      Йи1ий ц1аг1а Дамира чуялча го цунна цхьаккха хьама даьдоацаш санна тхьайса улла Халима. «Са «баунти» а яа наб еж уллаци»- оал Дамирас шоарта Халима ше сома якхар кхераш. Ч1оаг1а езар цунна шийла з1амаг1а йола йиш. Бакъда хьанза –м езацар. Цунна ше фу дича бакъаг1а да ца ховш цхьа ха йокх Дамирас тхьаса уллача Халимайна б1ара хьежаш латташ. «Ер ди со я ди дале а коч-м са чул хозаг1а ер йицай укхан»- йох цо ше шийца. Т1аккха чехка даа х1ама дуа ц1аг1а йод. «Сон хов хьона фу де деза»- яхаш истола т1а латта дукха крем т1а доалла пирожне а йийце йод Халима йолча. Из б1арга го ц1аг1а чу янача наьна. «Дамира укхаза 1о а хай яа из»- йист хул цунга нана. «А… Халимайна еза ер»- аьлле йод Дамира. Дукха ха ялалехь юха а ей цхьаькха пирожне эц цо. Шийна нана б1арахьажача «Халимайна кха а еза»- оал. «Даьр юа хуг яц ишта дукха»- аьле шорттига Дамирайна т1ехьа йода нана.
     Йи1ига т1ехьа нана ц1аг1а чу ялча шийна дайнача сурто ч1оаг1а цец йоакх из. «Эъ…»- аьннача юс из. Халимай метта улар фий ховд долаш яцар. Халима еррига кремаг1 хьал йизаер. Бат, моссаш, тахан т1а йиха керда коч, когаш тейп-тейпара бессаг1 дола крем хьакха дар. Нана б1аргаейча Дамира елха йолало «Са «баунти» яай цо»- яхаш.
     Дамира елхаш хаза Халима сома йол. «Ай… ай»- аьле Халимай ши кулг хьалоац нанас.  Кулгаш б1аргаг1а хьокхе уж 1увжа долалуддар. Шийна т1а доллар дайча елх йолало Халима «Са коч.. са коч..-яхаш.
    - «1а  са «баунти»  яай..- яхаш елх Дамира. «Аза-м яа яц хьа баунта– яхаш елх Халима а - аз сай ер… сай ер …мара яа яц».
    - «Дамирочка – аьлле хьост нанас йи1иг - хьона сенаг1 хов из Халимас яальга?»
    - «Сога Фаридас аьннад»- йоах елха а елхаш Дамирас.
    - «Делха ма делха, вай хьанз хьа лох «баунти»- яхаш шинна йи1игий кулгаш а лаьце Фарида яг1ача ц1аг1а чу йода нана.
      Халима б1аргайеча елало Фарида; - «Пирожнеш шоаш лел аьнна хазадац сона»- яхаш.
     -«Сацийт сона - раьза йоцаш оал нанас - хьона сенаг1 хов Дамирай «баунти» Халимас яальга?»                «Аза-м аьннадац Халимас яай аьнна, аз хьаж аьннад Халимайна хой из мичай»- елар соцаде магац   Фаридайна.
     Ц1аг1а чу ваьннача воакхаг1а вола вошийна го из сурт. «1о холодильникач улла «баунти» е мотт сона укх довна бехке»- аьлле велалу из - аз хьа бера хьа а йица ешар кхераш холодильникач йиллар хьа «баунти»»- яхаш хьост цо йи1иг. Т1аккха Дамирай е Халимай е ши кулг хьа а лаьце оал «Хал йиш яц ишта шойла … наьха бераш деллад да шог1а»- аьлле.
     Дамира е Халима е Фаридайна цхьатара б1арахьож. «Со екх  бехке ер»- яхаш ел Фарида.
     -«Доле – оал нанас - лувча г1о, со ц1ана хьамаш яхьаш хьа йоаг1а».
     Халимай кочат1ара крем ший коча хьокх Дамирас. Халима елалу раьза йолаш. Шойла крем д1а - хьа хьекхаш ванна йоала ц1аг1а чу болх, белхар веларах а даьлле йижарий.
    Фарида цана т1ехьа хьежаш яг1а шинна кулгаца г1андат1а латта ший ши ког хьа а лаьца.