Мерза йоца конфеташ

                Мерза йоца конфеташ

   Тикат1ара йоаг1а Тамари бе бола т1орме хьачуяннача 1о а оттабий ара йоал
 лоалохо кхайке.
   Наьна г1ар хаза хьамдуац1аг1а чуеддача Халимайна го на1арсаьнача латта дукха хьамаш чу йоахка т1орме. Наьнага Халима кхайкача  саг юха йист халанзар.              Т1ормечура хьамаш хьа а йоахаш ц1ен юкъе 1ойехка йолалу Халима.
    «Хох… -  безац, даьт…- дезац…» - йоах цо ше-шийца. «А..а…- аьлле сихха ара боакх хоза тайп-тайпара каьхаташ т1адоахкаш йола  шоколадный конфеташ чуйоахка чакхсадог1а т1ормиг.  Цул т1еха хьаэц печенеш чу йоахка каьхата к1опилг. Халима йод пхьег1аш чу латта комод йолча. Ни1 хьа а йиле хьаэц лохера ший кад. Нанас ийцабар берашта 1обежача бохаргбоцаш бола кадаш. Шоколадный конфеташ чу йоахка т1рмиг баста хала дар пхиъ шу даьннача Халимайна. Урс а дацар корадоаг1аш. Бераш т1акхаочаргдоацаш лакхе дехкадар уж нанас. Халимас х1ама дуа м1ара 1етташ хьабийлар т1ормиг.  Ишта йилар печений чу йоахка к1опилг а. Шоколадный конфеташт1ара каьхаташ ц1ена уйт1а 1о а тувсаш конфеташ кадача йохк Халимас.Печенеш йохкаш, конфеташ йохкаш, печенеш йохкаш, конфеташ йохкаш кад хьалбизар цо. Бизза кад а ийце телевизар латта ц1аг1а чу йода из.
     Тамари ц1аг1а чуялча цо кхетаду из кегарбаьр малаг1а ва. «З1амаг1а ер-г» - аьле елалу из.
      Цхьа ха ялча нана йолча ц1аг1а чу йол баьсса кад бе а боалаш Халима.
Нана шийга йист халалахь оал Халимас: «В1алла хоза яцар хьона 1а йийца конфеташ, мерза а яцар, кха ма эцалахь уж моргаш».
      «Хьа я 1а 1айха д1ачуяхьараш, юха д1ам даьра луг я вай уж цу тикача»- елакъеже оал нанас.
       «А…мама…аз печенеш цхьаь хугйоцаш царца д1айиар уж»- йоах чена кулг а хьекхаш Халимас.