Пышная барвовая дуброва –
Невялічкі пры дарозе гай.
Густалісты ён ды вечна новы,
Напаткае птушак звонкі грай.
Восень, а яны яшчэ спяваюць,
З летам не растануцца ніяк.
Недзе воўк ціхенька падвывае,
Нібы ён падвыпіўшы сваяк.
А ў небе сінім ды празрыстым,
Журавы на поўдзень – лёс такі.
Восені праступяць яўна рысы,
Утрымаюць курс свой вугалкі.
Адлятаюць, а куды падзецца?
Ўзімку будуць холад, снег, мароз...
Пагляджу і затрапешча сэрца,
На вачах – расінкі цёплых слёз.
Пышная барвовая дуброва...
Цешыць сэрца твой прыгожы ліст.
Застаешся назаўсёды новай,
Без цябе і белы свет імгліст.
Восеньскi настрой
© Copyright: Татьяна Цыркунова, 2023
Свидетельство о публикации №223090500282
Свидетельство о публикации №223090500282
Рецензии