Пушча наша родная,
Край мой чараўнічы.
Дзікая, дрымотная,
Выгляд таямнічы.
Пушча змрочна-цёмная,
Хатаю ў войны.
Сумная ды грозная,
Край мой, ты прывольны.
Партызанам-сокалам
Ты прыпынкам добрым.
Ворагаў палохала –
Позірк, як у кобры.
Пушча, ты магутная,
Вабяць спевы птушак.
Рыпы дуба чутныя,
Цішыню парушаць.
Пушча неаглядная,
Не акінуць вокам.
Пушча непраглядная,
Недасяжна зроку.
Пушча непарушная,
Вольная, глухая...
Для сваіх ты слушная,
Ворагу – другая...
Пушча наша родная
© Copyright: Татьяна Цыркунова, 2023
Свидетельство о публикации №223100300411
Свидетельство о публикации №223100300411
Рецензии