Дуьне вайх дуьсар ду шиеко а йоцуш
Цундела валарха ца кхоьру со
Стен до техь къамелаш оьздангал йоцуш
Даржах а, хьелах а д1агойтуш б1о
Сабарде х1ей нахчо, жимма са тоха
Ма ваккха сиссаза хьо сан-ъа верг
Хан йалит, х1иттита дериш а кога
Ца оьшу вовшешна хьекхайа церг
Бакъ дац из, бакъ ма дац вай телхан бохург
Хено шен набарна дигина вай
Ларде вай собарца вовшешна олург
Хили вай г1иллакхан, оьздаллин дай
Дуьне вайх дуьсар ду шиеко а йоцаш
Ам бакъ ду ца оьша из хеназа дит
Вовшена дешнаш а, догмаш а хьоьшаш
Боцу бехк г1ерташа г1илачун 1ит
Ма вала дакъаза х1ай оьзда Нахчо
Д1а дакха вай доцу къоманнан васт
Тахана атта ду лаам д1айс керчо
Ам бакъ ду хоттар бу мацца а барт
Июль, 2016 ш.
Дуьненна г1илакх
© Copyright: Илес Музаев, 2023
Свидетельство о публикации №223101000436
Свидетельство о публикации №223101000436
Рецензии