***
Купіў чалавек сабе новы, вялікі, прыгожы дом. Меўся там і сад з фруктовымі дрэвамі. Усё было добра і акуратна. Побач у крывенькай, старэнькай хатцы жыў зайздросны сусед, які ўвесь час спрабаваў сапсаваць навасельцу настрой: то смецце пад вароты падкіне, то яшчэ якую непрыемнасць утворыць.
Аднойчы прачнуўся чалавек у добрым настроі, выйшаў на ганак, а там — вядро з памыямі. Чалавек узяў вядро, памыі выліў, вядро вычысціў да бляску, назбіраў у яго самых вялікіх, саспелых, смачных яблыкаў і пайшоў да суседа.
Сусед, пачуўшы стук у дзверы, зларадна падумаў: «Нарэшце я дастаў яго!!!». Адчыняе дзверы ў надзеі на скандал, а чалавек працягвае яму вядро з яблыкамі і кажа: "Хто чым багаты, той тым і дзеліцца!".
Прытча аб яблыках
© Copyright: Марина Прокоп, 2024
Свидетельство о публикации №224031700468
Свидетельство о публикации №224031700468
Рецензии