ХIебла ванаси гьигьли,
ХIябцси гIянжила тIемли,
ДягIлара дирихьлара,
Ургарад гьардакIибти,
Мургьила рангла нурли,
Дирихьлиуб багьласи,
Ванаси, баракатла,
БегI гьалабси маркали,
Шинишбарили ванза,
Чебсаргъахъили дунъя,
Сагадиру пикруми.
Хьурадиру чархлизи,
ГIяхIси хьулла хIялани.
Бирхауди бирхьахъу,
ТалихIличи, гIяхIличи,
Гьар дунъяла анцIбукьла,
Сунела мягIналичи,
БуркIуси зимла манзил,
Дурхъаси биъниличи.
Аллагьли се багьандан,
ГIямру дакIударибтил,
Гьанналлис ванзаланта,
ХIергъили биаллира,
ГIямрула мягIна лебни,
ХIебли бурули саби.
Х1ебла пикруми
© Copyright: Муъминат Хаттаева, 2024
Свидетельство о публикации №224031901193
Свидетельство о публикации №224031901193
Рецензии