Трайны фiльтр. Прытча

                ***


     Аднойчы да Сакрата прыйшоў знаёмы і сказаў:

— Я зараз раскажу табе нешта, што я пачуў аб адным з тваіх сяброў.

— Пачакай хвілінку, — адказаў Сакрат. — Перш, чым ты раскажаш мне нешта, гэта
 
павінна прайсці трайны фільтр. Перш, чым казаць аб маім сябру, ты павінен
 
прафільтраваць тое, што ты збіраешся распавесці. Першы фільтр — ПРАЎДА. Скажы, ты

абсалютна ўпэўнены, што гэта праўда?

— Не, — адказаў знаёмы, — я сам пачуў пра гэта ад іншых.

— Значыць, ты не ўпэўнены, што гэта праўда. Цяпер другі фільтр - ДАБРО. Тое, што

ты збіраешся распавесці аб маім сябру, утрымоўвае нешта добрае?

— Наадварот. Гэта нешта вельмі дрэннае.

— Такім чынам, ты хочаш сказаць мне нешта, што можа аказацца няпраўдай, ды яшчэ і

нешта дрэннае. Трэці ж фільтр — КАРЫСНАСЦЬ. Ці змагу я асабіста атрымаць

якую-небудзь карысць са сказанага табой?

— Увогуле, не, — адказаў знаёмы.

— Што ж, калі тое, што ты хочаш мне расказаць, ні праўдзівае, ні добрае, ні

карыснае, то навошта мне гэта ведаць?