28 керл папк

Аллах1 – Дала, Вайн дайша схьакховдийна ирсе некъ, т1аьхьено ларамца лелорна сий хилла лаьттачу « Даймохк » ц1е йолчу нохчийн б1ойнна баьркате а хилла, цуьнан бохь леккха айбеш вешан ц1ераш цу т1е а ехкина, цу ц1еран декъашхой хила Иман, Кхетам,Ницкъ а лойла вайна.

Резванова Айза

Эх1, хьо къонах….

Эх1, хьо къонах, толам хьо къийсамехь,
Хьан дахар масалл ду мехала.
Деган не1 йиллина,
Сирла чиркх латийна,
Некъ маьрша баьккхинарг къомана.

Эх1, хьо къонах, тоьшалла заманна,
Хьо ваьхна т1ег1а хир къегина,
Совг1ат ду халкъана,
Г1иллакх ахь х1отийна,
Син кхача массо а адмана.

Эх1, хьо къонах, хьегам хьо мехкаршна!
Ирсе бу кхоллам хьан езаран.
Безамца йовхо,
Хьан ц1аро кховдор,
Сатийсам кхаьбначу дегнашка.

Эх1, хьо къонах,массо а замана!
Хьо жоп тхан дезачу до1ийна.
Азаллера, абаде,
Дуьненан дозалла,
Даймехкан сий дина къонаха.

Дахи вай….

Дахи вай, адамаш, дахи вай,
Барт хили хьаьг1наш д1аяхи вай,
Делан ц1е даггара яккхий вай,
Дуьне а къинт1ера даккхий вай!?

Дахи вай, адамаш, дахи вай,
Даймехкан г1иллакхаш лари вай,
Оьздачу дай – наной ларам бай,
Ирсан мукъ схьалаци, буй бе вай!?

Дахи вай адамаш, дахи вай,
Сина кхача вовшашца бекъи вай,
Ойланаш маьрша а яхи вай,
Ийманехь  бусулба  хили вай!?

Ткъа суна – м….

Хуур дац цхьанна а,
Дог догуш леллийла.
Б1аьргаша даима
Хьан амат лаьхнийла.
Ткъа суна – м лиънера,
Ломарчу  шовданех.
Сох ойла кхерста а,
Хьан деган дозанахь.

Хуур дац цхьанна а,
Ойланца яьхнийла,
Кхолламе дарбанна
Хьан безам бехнийла.
Ткъа суна – м лиънера,
Малхах а къегина.
Хьан б1аьргаш дуьхьлара,
Дохк яйа яшийна.

Хуур дац цхьанна а,
Г1айг1ане эгнийла.
Малхо нур г1елдинчу
Баттах со кхеттийла.
Ткъа суна – м лиънера,
Хьан деган бодашкахь,
Сатосучу седанах
Серлонца къага а.

Хуур дац цхьанна а,
Безамах хьегнийла.
Дог1анах йоьлхучу
Мархех  а 1аьннийла.
Ткъа суна – м лиънера,
Б1аьстенан 1алам а,
Хаздечу зезагах,
Хьан дахар кхала а.

Марша г1о хьо….

Марша ва хьо,
Б1аьргаша лаьхнарг,
Даго ваьхнарг.
Марша ва хьо,
Сан дог хьаьгнарг,
Сан дог эцнарг.
Марша ва хьо,
Сан дог доххол декъала хилларг.
Марша ва хьо,
Марша г1уо хьо,
Хьайн СА лаьттача.

Марша ва хьо,
Са айдаллал со 1ехийнарг,
Марша ва хьо,
Дог ца диллал,
Со тешийнарг.
Дог ца диллал,
Маьлхан дийнахь, некъах тилларг.
Марша ва хьо,
Марша г1о хьо,
Хьайн СА лаьттача.

Марша ва хьо,
Со ирсе ян дакъа кхаьчнарг.
Марша ва хьо,
Со езначийн декъахь хилларг.
Марша ва хьо,
Ас ирс даллал,
Дакъаза ваьлларг.
Марша ва хьо,
Марша г1о хьо,
Хьайн СА лаьттача.   

  Хьо х1унда ца кхета сох

Чуртана боьг1на т1улг санна,
Лаьтта со ойла еш хьан.
Ахь безам д1атиттар гена,
Х1ун ду техь, ца дуг1уш ла.

Безамо  жималле  йигна,
Лела со лууш хьо ган.
Кураллийн ч1аг1онаш эгна,
Дог эшош  когашка  хьан.

Шайт1анна мох хилла хьийзаш,
Сан дагчохь безам бу хьоь.
Дитт т1ера г1аш санна ийзош,
Идош  сан ойланаш  д1а.

Хьомениг хьан аз схьахезча,
1аьршашка дог айало.
Хьо суна гена ма вийла,
Вайшиннан ирс цхьана го.

Геннара  хьо вог1уш    вайча,
Сан б1аьргийн нур хьерча хьох.
Сел дагна хьо везаш хилча,
Хьо х1унда ца кхета сох?

Сан дагчу хьевзина мох бу хьо,
Ойланаш лечкъийна къу ву хьо,
Синкхетам чу хьаьжна куьхга хьо,
Синхаъмо базбина толам хьо.

Сан б1аьрса ирдина серло хьо,
Дахаран чам бина, марзо хьо,
Сан болар шардина аьтто хьо,
Сан ирсан йист йоцу доза хьо.

Сан деган аз хезна лерса хьо,
Б1аьргаша диллина тача хьо,
Лар йоцчохь карийна къайле хьо,
Дог даго со хьегна безам хьо.

Малика Гайсултанова

Чеченская женщина

Чеченская женщина,
Всесильная ты.
Ты гордость народа,
Эталон чистоты.

Даёшь ты нам силу,
По жизни шагать.
Живешь ты красиво,
Жена, дочь и мать.

Своей добротою,
Покоряешь сердца.
Неземной красотою,
Ты пленяешь всех нас.

Берешь ты страданья,
На плечи свои.
Чужда ты обману,
А мысли чисты.

Умом твоим светлым,
Восхищались не раз.
Пред тобой преклонялся,
Могучий Кавказ.

Где силы берешь ты,
Не уж – то с небес?!
Чеченская женщина,
Слава тебе!

Женщина – чеченка

О женщина чеченка, ты,
Как символ чистоты.
И дарят море радости,
Прекрасные черты.

Лицо твоё прекраснее,
Пред утренней зори.
А голос звонкий, ласковый,
Звучит как песнь любви.

И красотой, и нежностью,
Пленяешь горца ты.
И добротой безбрежною,
И бездной чистоты.

Ты гордая, ты умная,
Ты как букет цветов.
И пусть всё в жизни сбудется,
Весна, мечта, любовь.