Наб дигуси саниг1ят

Нуша, ученикунани, гъамли школа таманиэх1е. Экзаменти дедлугех1е.
Барх1иличи барх1и школализибси белч1удила бурх1ни камдик1ули сари. Гьарил уч1анна гьалар т1ашли сари челукьути суалти: «Сегъуна саниг1ят чеббирк1уси?», «Дунъяличир лерти саниг1ятуназибад вег1личи балбикибси саниг1ят сегъуна саби?», «Сегъуна вузлизи яра колледжлизи кархуси?» ва илдигъунти царх1илтира. Жагьил адамли, чиди саниг1ят касалра, ил вег1лисра, вег1-алавти халкьлисра  пайдаласили биэс г1яг1ниси саби. Дила пикри х1ясибли, ишбарх1и нушаб г1яг1ниси ца сек1ал саби: саниг1ят кайснилизиб хат1а х1ебарили, ил чеббик1ес, лерилра г1ямру ил саниг1ятлизир халати сархибдешуни дирахъули, Ват1айсра, вег1ла гъамтасра багаладиэсли дерк1ес. 
Наб дебали г1ях1билзан тухтурла саниг1ят. Халкьла арадеш калахънилизиб медицинала х1янчизартала халаси кьадри лебси саби. Тухтурла саниг1ят – дебали къиянси ва мяг1ничебси саниг1ят саби. Ил саниг1ят царх1илти саниг1ятуначиб х1урматлара саби, бахъал адамтас чараагарли г1яг1нисира саби.
Дила пикри х1ясибли, дунъяличир вег1ла къел калахъеси, адамтала баркаллаличи лайикьбикеси саниг1ят касес багьандан мурхьти багьудлуми кайсни – ил саби нуша, выпускникунала мурад.

Муртазалиева Аминат, Сагаси Къаягентла урга даражала школала 11 а классла ученица.