Нушала Ват1ан

Нушала халаси Ват1ан Россия саби. Ил дахъал миллатунар улка саби. Россиялизиб х1ербирути-ургаб бег1лара бахъал урусуни саби, г1урилти царх1илти миллатунала адамти. Амма нушала улкализибти лебилра халкь цабалги х1ербирули саби. Нушала х1укуматли миллатуни-ургар къалмакъар дех1дихьес къадагъабирули саби, ва лебилра адамти даршуси бузерлизи ахъахъес жибирули саби, сенах1енну Россияла дахъал ванзурби лер. Лер халкьла яшав ункъбиахъес имкантира, сенах1енну нушала Ват1ан газличил, набтличил, мургьила, алмазунала ва дахъал царх1илти мяг1дунтачил давлачебси саби.
Нушала улка дунъяличиб машгьурти г1ялимтачил, культурала ва искусствола х1янчизартачил, спротсментачил, поэтуни-писательтачил давлачебси саби. 
 Нушала х1укуматли дурх1ни гьар г1яг1ниси сек1айчил г1еббуцес къайгъибирули саби: лебилра дурх1ни школабазиб багьаагарли буч1ахъули саби, судентунас стипендияби лугули сари.  Гьести г1ямрула адамтасра, зяг1иптасра, ц1уръабиубтасра пенсияби лугули сари. Пагьмучебти адамти премиебачил г1еббурцули саби.
Дила пикрили, нушала Ват1ай  нуша, школала выпускникунира,  гьар сек1айчил г1ердурцех1е. Илбагьандан нушала Ват1ан дигахъес г1яг1ниси саби. Ил нушаб дигра дигахъулра, сенах1енну нушала Ват1ай даршудеш, адамти-ургабси цадеш ва халкьла арадеш калахъес халаси къайгъи бирули саби. Дусличи дус нушала улкала шими жагадик1ули сари, сархибдешуни биалли имц1адик1ули сари. Илгъуна Ват1ан х1ейгахъес вируси ах1ен.

Г1ялиева Аминат, Сагаси Къаякентла урга даражала школала 11 «а» классла ученица