Дагъистан

Дагъистан – нушала бишт1аси Ват1ан саби. Нушала республикализиб цабалги х1ербирули саби жура-журала миллатунала адамти: дарганти, къумукъланти, к1арахъанти, булугуни, лезгиби, табасаранти,  ногъайланти, урусуни ва царх1илтира. Дагъистайс – дубуртар улка или иру, сенах1енну республикала халаси ванза дубуртар саби. Урхьула дубаникад диркьала меранира т1инт1диубли сари.
Гьалаб Дагъиста халкь имц1аливан дубуртазиб х1ербири, сенах1енну диркьала мерани дуц1румла замана дегъдешли игули дири. Шин агарси мерличиб адамти х1ербиэс х1ебири. Дубуртазир биалли имц1али дирути зам-маркали миц1ираг адикьес, хъуми дузахъес имканти лугулри.
Гьанна биалли Дагъиста халкь диркьаличи гечбирули саби, сенах1енну трубабикад дашути шинни унхъри иркес, яшав барес халати имканти лугули сари. Дубурланти имц1аливан шагьуртази гечбирули саби. Илбагьандан Дагъиста шагьурти хъярхъли халадик1ули ва жагадик1ули сари. Шагьуртазир белч1удила, г1илмула, культурала, спортла, вачарла юртани т1ашдалтули сари. Илаб ва царх1илти мераначиб бузути адамтала яшав ункъбик1ули саби.
Набра, ну ах1енти царх1илти Дагъиста халкьлисра нушала республика дигахъех1е, сенах1енну ишар дебали жагати, чучи урк1и бит1ик1ути т1абиг1ятла мерани лер, ишаб х1ербирули саби г1ях1ялдеш дарес балути, бузери дигути, цала цали х1урматбарес х1ядурти адамти. Илдигъунти адамти-ургав х1ерирни гьарилла талих1 саби. 

Эльдарова Ц1ибац, Сагаси Къаякентла урга даражала школала 8 г классла ученица