Пхьоьхана х1оьттинчохь куралла сеттина
Ахь деса къамелаш дукха ма делахь
Доьхьала ца аларх, бехк боккхуш лерина
Хьайх адам къайлаха кхарда ма делахь!
Дош даше даьллачохь, харц-бакъ верг къасточохь
Осалчу боларца йуха ма вийлалахь
Ц1арна ц1е йахначу, вийца ворх1 да волчу
Къеначу хьай Дадин ц1е йожа ма йелахь!
Вешина-вошалла, оьшучохь доьналла
Мерза са д1адала хьо кийча хилалахь!
Йишина лам хилла,доьзална дукъ хилла
Хьай кхерчан б1ов хилла,даимна латталахь!
***
© Copyright: Зара Болтукаева, 2024
Свидетельство о публикации №224072100981
Свидетельство о публикации №224072100981
Рецензии