(анамы дерслеринден)
Джюрюмесенг - джол билмезсе,
Джол алыргъа тюзелмезсе,
Джангылмасанг тюз табылмаз,
Акъыл, болум керилалмаз.
Джау чабмайын, шох танылмаз,
Ачымагъан къуаналмаз,
Кече болмай танг атмайды,
Къыш болмайын, джаз чакъмайды.
Джерде хар зат - кёзюу бла,
Чыныгъыу да - эзиу бла,
Ол эзиуде иленебиз,
Джашау дерсни юренебиз.
Джангылыуда билиу барды,
Билмегенни кюню тарды,
Тюше, тура ёмюр барыр,
Тирелиучю орун алыр.
Хар тюшюуде бир турууу бар,
Хар чачыуда бир къуруу бар,
Хар заранда хайыр джатар,
Муну билген къолай джашар.
Джюрюмесенг джол билмезсе,
Джол алыргъа юренмезсе,
Джангылмасанг тюз ачылмаз,
Акъыл, болум керилялмаз.
2011.
Джюрюмесенг джол билмезсе
© Copyright: Софи Трам-Семен 2, 2024
Свидетельство о публикации №224072901641
Свидетельство о публикации №224072901641
Рецензии