Ишексиз, барды магъана
Тахсасын тутхан Аламда,
Бу Джер юсюнде джашауда,
Ёлюм джолунда барыууда,
Хар кюнде къарыу азая,
Джашар ёмюр да таркъая.
Бирлешмез хар зат, бирлешген,
Келишмез хар зат келишген,
Аламны тутхан бу тюзен,
Бизге джан солуу юлешген,
Неден къурулду, керилди-
Бизге да, хаухха, берилди?
Кёб тёлю муну соргъанды,
Алай джуабсыз къалгъанды,
Биз да къалыкъбыз джуабсыз,
Кетерик болуб, амалсыз,
Ахыр сёзлени айталмай,
Ахыр ишлени эталмай.
Ишексиз, барды магъана
Бизни бар этген Аламда,
Алай ол сырны ким билир?
Алам ташагъа ким кирир?..
Тёлюле келиб, кетиучю…
Джашаугъа ажым этиучю…
2010. Анкара.
Нек джаратылдыкъ?..
© Copyright: Софи Трам-Семен 2, 2024
Свидетельство о публикации №224081000814
Свидетельство о публикации №224081000814
Рецензии