ДАЙМАХКАХ ДОШ…
СхьавАлар - хьан тIамарх хилла,
Вахар а - хьо безаш хилла,
Сагатдар - хьо бахьна хилла,
Сан доIа - хьо боьхуш хилла...
Сан некъаш - хьа доьхьа хилла,
Ойла а - хьох йоьзна хилла,
Сан кхайкхам - хьо ларош хилла,
Илли а - хьо хестош хилла...
Сан гIиллакх - хьо лОруш хилла,
Безам а - хьох хьоьгуш хилла,
Сан само - хьан тергон хилла,
Йоза а - хьо балхош хилла...
Сан кхане - хьо кхиар хилла,
Къийсам а - хьан маршо хилла,
Сан весет - хьо буьйцуш хилла,
Верзар а - хьан кийра хилла...
Хьо гуттар, сан цIийца,
Сан синца хилла…
Хьо даиман, Даймохк,
Сан дагчохь хилла!
Даймахках дош
© Copyright: Дахо Алви, 2024
Свидетельство о публикации №224090100609
Свидетельство о публикации №224090100609
Рецензии