Райудин Штулви - лезгинский поэт

Райудин Штулви — современный лезгинский поэт, религиозный деятель. Стихи пишет на лезгинском языке.

Уроженец села Штул, ныне Курахского района Дагестана. Проживает в городе Дагестанский Огни.

***************

Ваз хвашгелди. Мугьаммад.

Бисмиллагьи ррагьмани ррагьим.

Ваз хвашгелди, ваз хвашгелди Мугьаммад
Сад Аллагьдин векил тир я, Мугьаммад
Ваз хвашгелди, ваз хвашгелди, Мугьаммад
Ви дуьайрик кутур на чун, Мугьаммад
Вун хайи югъ мичIи дуьнья рагь хьана
Буш уьмуьрдикай бегьерлу багь хьана
Аллагьди ваз дережадин пай гана
Пайгьамбаррин пайгьамбар хьай, Мугьаммад
Аминат дидедиз нур къуй вун хайи
Аллагьдин патай багьа савкьат гайи
Эхиратдин къалди аманат хьайи
Мусурманриз панагь хьанвай, Мугьаммад
Дарвилени етимвиле хьана вун
Ислам патал дяведин цIу кана вун
Са нукьсани квачир инсан хьана вун
Малаикрин дуст хьанавай, Мугьаммад
Аллагьдин патай на чаз ислам гьана
Вун динсуз халкьдин рикIин дарман кьана
Ислам дин мягькемриз вун Лукьман хьана
Гьабиб лагьай тIар къачунвай, Мугьаммад
Аллагьдин кьурьан вуна чаг агудна
Сад Аллагь тек тирди на чаз субутна
Дженетдихъни джегьнемдихъ югъурна
Гьарамдикай ярагьаз унвай, Мугьаммад
Шариата экуь, хъуна буьркъуьбур
Дуньньядиз на чIукIурна исламдин нур
Чаз вун гайи сад Аллагьдиз хъуй шукур
Исламдин рехъ хуьз къалхан хьай, Мугьаммад
Йикъа вад капIавуниз мажбуря чун
Сивер хуьниз, закат гуз мажбур я чун
Алакьдайбур, гьаждан физ гьазур я чун
Исламдин шартIар гъанавай, Мугьаммад
Гъиле кьурьан на къалурай рекIеваз
«Лайлагьа илаллагь» мецел алаз
Эхиратдиз фий чун, Аллагь иман гваз
Аллагьдин тIварцIелай рахай, Мугьаммад
Исламдин рехъ я на чаз гайи гатфар
Ви гьадисар чаз я къизилдин дагьлар
Гьар са амал эхиратдин я чи паяр
Эхиратдикай хабар гай, Мугьаммад
Ислам патал чи гъилера тур хьурай
ШайтIан иблисдин амалар кур хьурай
Гьар са кIвале я, Аллагь ви нур хьурай
Ирид цавариз мугьман хьай, Мугьаммад
Аллагьдиз шафаат гъун кIвалах хьана
Арусат майдандал чи даях хьана
Гьар мусурман касдиз вун панагь хьана
Джегьенемдин цIукай хуьдай Мугьаммад
Ваз хвашгелди, ваз хвашгелди Мугьаммад
Сад Аллагьдин векил тир я, Мугьаммад
Ваз хвашгелди, ваз хвашгелди, Мугьаммад
Ви дуьайрик кутур на чун, Мугьаммад.


Штулви Райудин.
Огни шегьер.


Ла илагьа илаллагь.

Бисмиллагьи ррагьмани ррагьим.

Ччилер, цавар, рагьни, михьи гьава, Аршни кваз,
Яратмиша Ахират, джейнет, джегьенем аваз.
ЦIемуьжуьд агъзур махмукьатдиз инсанарни галаз,
Вун куьмек хьуй, я Аллагь. Ла илагьа илаллагь.
Ахтармишиз инсанар яратмишнава девлет
Нефсиниз тербия гуз къазалмишайтIа гьуьрмет
Гьил ачух яз садакьа ни гуз хьайитIа гьелбет
Вун куьмек хьуй, я Аллагь. Ла илагьа илаллагь.
Дуьньяд амал кIан хьана, дуст яз шайтIан тахьуй кьаз
Аллагьдигай яргъа жез, хивекай бурж тахьуй таз
Кьияматдин юкъуз гвай девлет тIемил хьайтIа чаз
Вун куьмек хьуй, я Аллагь. Ла илагьа илаллагь.
Ярар-дустар сад хьана, фитIнедигай яргъа яз,
Яшамиш жен хизанда гьамиша гьуьмет аваз.
Аллагьдихъай кичIе яз, рикIе иман авайдаз.
Вун куьмек хьуй, я Аллагь. Ла илагьа илаллагь.
Хабарсуз са юкъуз чи шад уьмуьр куьтягь жеда,
Фида мал-девлет туна, кIватIнавай темягь уна.
Фейибурун хиялар мукьва – кьльйриз уна,
Вун куьмек хьуй, я Аллагь. Ла илагьа илаллагь.
КутIунна кафандаваз кIвалин юкьвал хьайила,
Кьилихь хайи багърияр ацукьна шез хьайила.
Дуьньядихъ вил галамаз, мичIи суруз фейила,
Вун куьмек хьуй, я Аллагь. Ла илагьа илаллагь.
Ахиратдин кIвал хьайила дар мичIи сурукай,
Вуна къутармиша чун Мункар, Накир хурукай.
Я, сад Аллагь, хуьз на чун джегьенемдин цIаюгай,
Вун куьмек хьуй, я Аллагь. Ла илагьа илаллагь.
Дуьньядин мугьманар я, чун вад юкъуз атанавай,
Хиве тунвай вад буржи тамамарна кIанзавай.
Арусатдал атана, фирла СиратIмуькъвелай,
Вун куьмек хьуй, я Аллагь. Ла илагьа илаллагь.

Штулви Райудин.
Огни шегьер.
01.02.2005 г.


Маргьаба.

Хвашгелди ваз, хвашгелди ваз, Мугьаммад.

Аллагьдин багьа мугьман ваз хвашгелди.

Я, Набиюллагь, ваз чи патай салам!
Я, Расулиллагь ваз чими тир салам!
Я, Гьабибуллагь ваз, саламрин салам!
Салаватрик квай ваз гьамиша салам!
Марфадихъ магьрум хьнавай никIеризни чульллериз,
Цихъ къаних яз пад-пад хьана хирер алай чилериз.
Яд амачиз кьурандавай вацIаризни вирериз,
Марф хьиз герек тир вахтунда атанавай, Мугьаммад.
ТIебиатдал ччан гьизавай хьана чими тир гатфар,
Гьава михьи из вун хьана къацу багьларни ттамар.
Дявейрин цIу кузвай халкьариз сабурлу пак гафар,
Хьана. Аллагьд патай сабур гваз атанвай, Мугьаммад.
Варцарикай чаз багьа варз раббиуль-ав-валь хьана,
ЦIикьвед лагьай вацран юкъуз дуьньядиз шад ван хьана.
Аллагь авач лугьурбуруз и югь еке къан хьана,
Исламдин пайдах гъилеваз атанавай Мугьаммад.
Дуьньядиз аминат диде машгьур хьана вун хайи,
Гьалимат вахаз джейнет хьуй ваз хуралай нек гайи.
Аллагь рази хьуй виридлай, етим тирла вун хвейи,
Аллагьдин имтигьанарай экъечIнавай, Мугьаммад.
Кьурейшитри чаз ганавай лали са гегьлер я вун,
Гьадисарин кIват хъийизвай дигмиш хьай бегьер я вун.
Йифен мичIер куьтягь хьайла алукьдай сергьер я вун,
Инсаниятдиз сергьер яз атанавай, Мугьаммад.
Аял чIавуз етим хьана акуна дарвилер ваз,
Аллагь рекье, къазатнава, кьисмет хьана хирер ваз.
Исламдин нур гьуьндуьрмишиз гьякьуь хьана рекьер ваз,
Имандинни исламдин шартIар гъанавай, Мугьаммад.
Яратмишна ччилер, цавар, рагьни варз, ви нур санал,
Машгьур рягьбер деверризни халкьариз вун хьун патал,
Аллагьдин кьуд каламдикай Кьурьан вуна кьун патал,
Аллагьдин калам гъилеллаз атанавай. Мугьаммад.
ЯхцIур йисар яшар аваз пайгьамбарвал хьана,
Хашар Аллагь лугьурбурун вуна рикIер атIана.
Пуд агьзурар агакьна ваз муъжизатарни гана,
«Саййидина» лагьай тIварцIиз лайих хьавай, Мугьаммад.
Пудкъанни пуд ваз Аллагьди гана уьмуьрдин яшар,
Тапшурмишай гьар са буйругъ авун патал тамамар.
Ви гьахъви ваз муьтьгъарна са шумуд уьлквеяр,
Дуьньядин кьуд пипIез исламдин нур чукIурай, Мугьаммад.
РикIи кIвалах хъийизмайкьван мецел хьана ви уъммет,
Ялвар ийиз Аллагьди, уьмметдиз гун патал джейнет.
АмачтIани агьзур йисар, чаз багьа я ви гьуьрмет,
АкьатI тейир гьуьрмететуниз лайиих хьанвай, Мугьаммад.

Штулви Райудин.
Огни шегьер.
08.04.2006 г.

Кьабул, Аллагь.

Бисмиллагьи ррагьмани ррагьим.

Сад тир Аллагь рикIе аваз,
Пайгъамбардин рекьел алаз.
Хизандилай садакьа яз,
Авур мавлид кьабул, Аллагь.
И меджлисда хьайи суваб,
Куь архайриз хьун я мурад.
Хъурай абру джейнет шараб,
Авур мавлид кьабул, Аллагь.
Дидед-бубад патай минет,
Ваз ийизва яна кьве мет.
Кьисмет авун патал джейнет,
Авур мавлид кьабул, Аллагь.
КIелай мавлид хьана себеб,
ТуькIуьрай куь рикIтин метлеб.
КIевиз хвена несил эдеб,
Авур мавлид кьабул, Аллагь.
Бахтлу яргъи уьмуьр гана,
Ччандин сагъвални квез хьана.
Гьуьмет кIвалин бине хьана,
Авур мавлид кьабул, Аллагь.
Хизан хьана туькIвей са тагъ,
КIвални хьана бергьерлу багь.
Кьилел хьуй куь чими тир рагь,
Авур мавлид кьабул, Аллагь.
Хваяр, рушар пара хьана,
Гьардакай са шегьер хьана.
Веледри куь рикIшад уна,
Авур мавлид кьабул, Аллагь.
Куь веледар хьуй камаллу,
Диде-бубадиз вафаллу.
Шариатда яз савадлу,
Авур мавлид кьабул, Аллагь.
Ччинал хъвер хьуй, экуь суьрет,
КIвал ацIана бул хьуй суьрсет.
Сад Аллагьди гана нусрет,
Авур мавлид кьабул, Аллагь.
ТIални-кван квез чир тахьурай,
Яман баладигай хуьрай.
Куь гьар са кар вилик фирай,
Авур мавлид кьабул, Аллагь.
ФитIнедигай хьана яргъаз,
Мецел ширин салам алаз.
Мукьва-кьели, яр дуст галаз,
Авур мавлид кьабул, Аллагь.
Къуни-къуншидив турькIвена,
КIвал малаикри элкъвена.
Кьуне Исламдин Нур куъкIвена.
Авур мавлид кьабул, Аллагь.
Мавлиддиз [а]тай стха-вахар,
Квезни Аллагьди гурай бахтар.
Ачух хьуй квез джейнет ракIар,
Авур мавлид кьабул, Аллагь.
Чи дуьаяр кьабула на,
Дуьнья ислягь мублагь ая.
Ви рекье кам магькем кьуна,
Авур мавлид кьабул, Аллагь.
Аллагь ризкьа на дар имр,
рикIе иман зайифармир.
Шафаатдикай хукудмир.
Авур мавлид кьабул, Аллагь.
Гьар патахъай шад хабар къвез.
Бахтлу яз куьн хьурай хъуьрез.
И меджлисди мубурак квез,
Авур мавлид кьабул, Аллагь.
Штулви Райудин.
Огни шегьер.
12.12.2004 г.

Я Мугьаммад Мустафа!

Малаикар хьанай хьи шад,
Тебрик ийиз атана фад.
Вун я Наби Иллагьи сад,
Я Мугьаммад Мустафа!
Диде буба туна фейи,
ГъверчIизамаз етим хьайи.
Кватзамазди иман гъайи,
Я Мугьаммад Мустафа!
Чуквардаваз хкажна кьил,
На цаварал туькIуьрна гъил.
Исламдин дин авур гьасил,
Я Мугьаммад Мустафа!
Кьурадачир къуйдавай яд,
Вун фейи кIвал жедай абад.
[……………………………]
Я Мугьаммад Мустафа!
Гьайванари идай икрам,
Малайикри гудай салам.
Саллаллагьу эхир хатам,
Я Мугьаммад Мустафа!
Цфер булут къведай винел,
Серинар гуз тек ви кьилел.
Вахъ гьарарат СиратIмуькъвел,
Я Мугьаммад Мустафа!
Ви беденди гудачир хъин,
Кераматар авай якъин.
Ирид цаварилай дерин,
Я Мугьаммад Мустафа!
Жибраилдин луваралаз,
Фенай вун Аршдилай яргъаз.
Сад Аллагьди капIчирна Ваз,
Я Мугьаммад Мустафа!
Мусахарна къурайшияр,
Терг авуна къванер, хашар.
Расулуллагь гьахъ пайгьамбар,
Я Мугьаммад Мустафа!
Ваз Аллагьди гана нусрет,
На исламдиз гъана гьуьрмет.
Гьабибуллагь я Вун гьелбет,
Я Мугьаммад Мустафа!
Кьуран сунна весияр тур,
Вун я и дуньядин абур.
Фирдаус я Вун авай сур,
Я Мугьаммад Мустафа!
Машрикь Магъриб чIалал гъайи,
Уммет – умммет лугьуз кьейи.
[…] мидад Валай гъайри,
Я Мугьаммад Мустафа!
Агьзурар вишни къадни кьуд,
Набиярни Расул ругуд.
Гьам шафаат Ва ква умуд,
Я Мугьаммад Мустафа!
Вун я хьи чаз са аманат,
Ахъай тежер багьа савкьват.
Вин винел хьуй салам салат,
Я Мугьаммад Мустафа!
Я Мугьаммад я Мугьаммад!
Я Мугьаммад Мустафа!
Шафаатдик кутур на чун!
Я Мугьаммад Мустафа!

Примечание: стихотворение не было подписано, но автором предположительно является Штулви Райудин.

Автор: ‘Али Албанви