Маленькие чтения. 29 декабря

В подборке сего дня предложены Песнопения:
1. Хвалите имя Господне
2. Воскресение Христово видевше
3. Преблагословенна еси


Песнопение первое.

«Хвалите имя Господне, хвалите, раби Господа. Аллилуиа, аллилуиа, аллилуиа. Благословен Господь от Сиона, живый во Иерусалиме. Аллилуиа, аллилуиа, аллилуиа. Исповедайтеся Господеви, яко благ, яко в век милость Его. Аллилуиа, аллилуиа, аллилуиа. Исповедайтеся Богу Небесному, яко в век милость Его. Аллилуиа, аллилуиа, аллилуиа».



Песнопение второе.

«Воскресение Христово видевше, поклонимся Святому Господу Иисусу, единому безгрешному. Кресту Твоему покланяемся, Христе, и святое Воскресение Твое поем и славим: Ты бо еси Бог наш, разве Тебе иного не знаем, имя Твое именуем. Приидите вси вернии, поклонимся Святому Христову Воскресению: се бо прииде Крестом радость всему миру, всегда благословяще Господа, поем Воскресение Его: распятие бо претерпев, смертию смерть разруши.
Слава Отцу и Сыну и Святому Духу. Молитвами Апостолов, Милостиве, очисти множества согрешений наших. И ныне и присно и во веки веков. Молитвами Богородицы, Милостиве, очисти множества согрешений наших.
Помилуй мя, Боже, по велицей милости Твоей и по множеству щедрот Твоих очисти беззаконие мое».


Песнопение третье.

«Преблагословена еси, Богородице Дево, Воплощшим бо ся из Тебе ад пленися, Адам воззвася, клятва потребися, Ева свободися, смерть умертвися, и мы ожихом. Тем воспевающе вопием: благословен Христос Бог, благоволивый тако, слава Тебе».