Хъырцыжь Алэ и орэд черкесская героическая старинн

Тапэ гущэм тыплъэмэ – шышъхьэзэшIуадзэ,

Таужым тыкъэплъэжьымэ – езэрэдзыхыха,

Пахъэр шъхьащихэу Алэр мэзао.

Къэрэмызэ шхъуантIэр шхоIум рэджэгуа,

Зыпсэ рыджэгужьырэр, –

Хъырцыжъыкъо Алэ гущэба.

Абэдзэ къушъхьэми лъыпсэр щагъачъэ,

Ечъэжьэжьыгъэ гущэр, –

Мыжыкъыжъы шыуа.

Къэрэмызэ шхъуантIэр бгъэхьэрэхьата,

Къэзэкъы нашхъомэ уряхьатыякIу, –

ХъырцыжъыкъокIэ шъуи-Алэ ЦIыкIу.

О, Абэдзэ къарэ гущэр къытфэзыгъэпшъ,

А, лIы пшъыгъэ купхэр къытфэзыщэжьыхэрэр, –

Шэуджэн гущэкIэ шъуи-Чыналыкъу.

Думыдырыгъуапчэми зешти, зыресэ,

Зымыдэрэ заомэ запэчIесэжьы, –

Батэкъо гущэкIэ шъуи-Талъэустэна.

ТхьэкIумэкожъым тхъурбэр къыпэзы,

Заом зыфэзыджэ щэджыблэ машIу, –

Шэуджэн гущэкIэ шъуи-Чыналыкъу.

Къэрэмызэ шхъуантIэ гущэр копкъкIэ зэрефэ,

ЫпэкIэ къифэрэр чатэкIэ релIыхы, –

Хъырцыжъыкъо гущэкIэ шъуи-Алэ мыгъот.

КIэхэ шапсыгъэхэр къызэлъынэсы,

Зыпсэ рыджэгужьырэр, –

Хъырцыжъыкъо гущэкIэ шъуи-Алэ мыгъот.

Абэдзэ къушъхьэ гущэр, а, уикъэщэ-наща,

Хьадэу къащэжьы гущэхэр, –

Хъырцыжъ гущэм ыкъуитIуи.

Дунэе унэл гущэм шъузэдимыхьа,

Ахърэты унэми шъузэдехьажьы, –

Хъырцыжъы гущэм ыкъуитIу.

ХъырцыжъыкъуитIу гущэхэр

Зы мафэ укIы гущэхи, –

ЕкIокIыжьыгъэхэр мыжыкъыжъы шыуи.

Е, уишы шхъонтIэшхо гущэми пахъэр шъхьащехы,

Хьэдэ гухэкIы гущэу къащэжьы, –

Хъырцыжъым ыкъокIэ Алэ мыгъот.

Налыхъанышхо гущэми быракъыр шъуфеды

Зымыдэрэ пыимэ сэшхо утыр ахьы, –

Къахьыжьырэ хьадэхэр Хъырцыжъым ыкъуитIуа.