Тропари семейные

Тропарь святому апостолу Петру, глас 4:

Рима не оставль, к нам пришел еси,/ честными веригами, яже носил еси, апостолов первопрестольне./ Имже верою покланяющеся, молимся:/ твоими к Богу молитвами// даруй нам велию милость.


Тропарь праведной Анне, матери Пресвятой Богородицы, глас 4:

Жизнь pождшую во чpеве носила еси,/ Чистую Богоматеpь, Богомудpая Анно./ Темже к пpиятию Небесному,/ идеже веселящихся жилище,/ в славе pадующися,/ ныне пpеставилася еси,/ чтущим тя любовию/ пpегpешений пpосящи очищение,// пpисноблаженная.


Тропарь Архангелу Гавриилу, глас 4:

Небесных воинств Архистратиже,/ молим тя присно мы, недостойнии,/ да твоими молитвами оградиши нас/ кровом крилу невещественныя твоея славы,/ сохраняя нас, припадающих прилежно и вопиющих:/ от бед избави нас,// яко чиноначальник Вышних сил.


Тропарь 40 Мученикам Севастийским, глас 1:

Болезньми святых, / имиже о Тебе пострадаша, умолен буди, Господи, / и вся наша болезни исцели, // Человеколюбче, молимся.


Тропарь мученицы Пелагии, глас 4:

Агница Твоя, Иисусе, Пелагия,/ зовет велиим гласом:/ Тебе, Женише мой, люблю/ и, Тебе ищущи, страдальчествую,/ и сраспинаюся, и спогребаюся Крещению Твоему,/ и стражду Тебе ради, яко да царствую в Тебе,/ и умираю за Тя, да и живу с Тобою;/ но, яко жертву непорочную, приими мя с любовию, пожершуюся Тебе./ Тоя моли;твами// яко Милостив, спаси души наша.


Тропарь мучеников иже в Крите, глас 3

Многочудный Крит почтим,/ процветший честныя цветы, Христовы бисеры,/ мучеников сорасленых,/ десять бо суть числом, блаженнии,/ иже весь идольский народ посрамиша,// темже и венцы прияша, добледушнии.


Тропарь преподобному Порфирию Кавсокаливиту, глас 8:

Апостольскою ревностию жительствуя / и Христово имя непрестанно призывая,/ всем любовь Божию проповедуя,/ выну в той пребывал еси,/ многия души исцеляя и ко воскресшему Господу приводя./ Темже, наследовавый селения святых, / потщися и настави нас,/ да приидем и мы во объятия Божия,/ радостно вопиюще ти: / радуйся, преподобне отче Порфирие.


Тропарь преподобному Софронию Эссексскому, глас 4

Отца преподобного Силуана Афонского возлюбленное чадо / и Божественный истолкователь явился еси, Софроние дивне,/ ум Христов стяжав премудростию словес твоих,/ на западе возсиял еси светоносным житием твоим,/ к свету Бога Любви наставляя заблудшия,/ Его же сподоби и нас узрети,// якоже молитвами твоими, Отче Преподобне.


Тропарь преподобному Силуану Афонскому, глас 2

Серафимския любве ко Господу пламенный ревнителю, / и Иеремии, о народе плачущему, / усердный подражателю, / всеблаженне отче Силуане, / ты зову Матере Господа сил внемляй, / змия греховнаго мужемудренно изрыгнул еси, / и в гору Афонскую от суеты мира удалился еси, / идеже в трудех и молитвах со слезами / благодать Святаго Духа обильно стяжав, / еюже сердца наша воспламени / и с тобою умильно взывати укрепи: / Господи мой, Жизне моя и Радосте Святая, // спаси мир и нас от всяких лютых.


Тропарь апостолу и евангелисту Иоанну Богослову, глас 2:

Апостоле, Христу Богу возлюбленне,/ ускори избавити люди безответны,/ приемлет тя, припадающа,/ Иже падша на перси приемый./ Егоже моли, Богослове,/ и належащий облак языков разгнати,// прося нам мира и велия милости.


Тропарь святителю Григорию Богослову, глас 1:

Пастырская свирель богословия твоего; / риторов победи трубы / якоже бо глубины духа изыскавшу / и доброты вещания приложишася тебе / Но моли Христа Бога, отче Григорие, // спастися душам нашим.


Тропарь святителю Спиридону Тримифунтскому, чудотворцу, глас 1:

Собора Перваго показался еси поборник и чудотворец,/ Богоносе Спиридоне отче наш. / Темже мертву ты во гробе возгласив/ и змию в злато претворил еси,/ и внегда пети тебе святыя молитвы,/ ангелы, сослужащия тебе, имел еси, священнейший./ Слава Давшему тебе крепость,/ слава Венчавшему тя,// слава Действующему тобою всем исцеления.