Аллагьасул гурх1ел нилъее щваги
Ракъи бихьугеги,рагъде ккогеги,
Рек1ел жах1даялде хьулго лъогеги.
Жагьиллъи лъагеги,лъик1аб раг1аги,
Нилъер гьабулелда баракат лъеги.
Бикъулеб,хъамулеб т1убан лъуг1аги,
Г1арац киназего х1алалаб кьеги.
Х1арам рик1к1алъаги,лъик1аб раг1аги,
Рак1ал цоцалъ журан даим хут1аги.
Диналъул щулалъи щивасе щваги,
Вирдал камиллъаги,как къабуллъаги.
Калам мух1канлъаги,мурад т1убаги,
Баракат щивасул рукъалда лъеги.
Ресукълъи лъагеги,къадру ц1ик1к1аги,
Къуват исламалъе даимаб кьеги.
Иман щулалъаги,их1сан ц1ик1к1аги,
Х1асад т1аса аги,т1екълъи лъуг1аги.
Г1елму камиллъаги,махщел т1ок1лъаги,
Мекъе квер бегьулел кант1изареги.
Киналго х1ежалде ах1ун ратаги,
Аллагьасул гурх1ел нилъее щваги.
© Copyright: Муртаза Игали, 2025
Свидетельство о публикации №225032200519
Свидетельство о публикации №225032200519
Рецензии