Композиторым сайын паленам. В. Алексеев

21 февраль 2023 ийыште Морко район марий Руш Родышто (Нуръял) шочшо Виталий Алексеев  нерген  неле уверым кольым. Тиде кечын  Марий Элыште палыме композитор  илыш дене чеверасыш.
 "Морко сем" спектакльым сценыш лукмо ийын Виталий Алексеев ден сокыр самодеятельный композитор Михаил Степановлан Сомбатхейыште пачерым  пуэныт. 1978- 1979 ийлаште мый Лара  шу"жарем дене Михаил Степанов дене Сомбатхейыште шымше этажыште илыме, а тудо ешыж дене кудымшышто илен. Уналыкеш коштынна. Шкеже  изи кап-кылан, коярак, поро, мутланаш йо"ратыше  айдеме ыле. Мыланем  тудо «Виннипух» мультфильмысе персонаж  семын кодын. Чу"чкыдын  Шкетан театрыш    спектакльым ончаш у"жмашым пуа ыле .
 Ик кечын сокыр композитор Михаил Степанович Степанов тыгай историйым каласкалыш. Тиде историй  нерген ешыжат пален, ача -авамат паленыт. Михаил Степанович  тыге мане:
- "Морко сем" спектакльлан  семым  шке  возенам.
Мый тудлан йодышым пуышым: "Кузе тыге? Виталий йолташет  семым возен огыл мо?"
Тудо умылтарыш: "Виталийлан баян дене  возымо семым шоктышым, сокыр улмемлан ко"ра кагазыш возен шуктен омыл. Тудо шоктымо семым шолыштын".
  Шкеже сокыр лийын гынат, по"ръен шинчаву"д дене шорто. Таче мартеат изи по"лемыште пырля мутланен шинчымаш ушеш кодын. Тиде  ноябрь 1978 ийын лийын.
  Виталий Алексеевын  тымарте   поро кумылжо  шинча ончылнем. Кок композитор узьмакыште вашлийыт дыр? Сокыр музыкант тудым вучышаш.  Возымо семым тавалаш огыт ту"нал дыр?
22.05.2023