Венгрий гыч толшо уна. Богата Тимар

  Богата Тимар дене Пеледыш пайрем годым палыме лийынам.Тиде 15.06.2019 ийыште лийын.
Кужу кап-кылан рвезе удырамаш дек миен, рушла йодым:
-Мемнан могыр гыч огыдал.Кушеч толын улыда?
 Тудо мыланем марла ойлен пуыш:
-Рушла ом мошто, марла да англичан йылме дене веле кутырем.
Венгрий  эл гыч толмыжо нерген каласкалыш. Мыйже  "Колын улыда мо венгр  поэтессе Юдит Бенье нерген?" йодышым пуышым.
Тудо мыланем "Колашыже колынам, тыгеже ом пале",малдале. Вара тудлан Аркадий Букетов дене  Юдит Беньен келшымышт нерген каласышым:
- Икмыняр почеламутым венгр йылмыш кусарен да журналеш савыктен. Аркадий Букетов  венгр йылме гыч марлаш кусарен. Шуко серышым возгаленыт.Юдит Венгрийыш  у»жмашым ыштен.Тунам пырля  ачам дене пеш кайынена ыле.Адакшым  Польшышто изи кучедалмаш мешайыш.Ышна кай. Тудо чот вучен. Аркадий Букетов венгр поэтессын почеламут-влакшым "Пыште мыйым шу:мышкет" книгасеи нылымше  йыжын " Мундыр Дунайын семже" разделыш пуртен. Чылаже  21 почеламут пурен. Венгр поэтессалан книгажым тымартеат  колтымо огыл.
Богата Тимар  интернетыш пурен, Аркадий Букетов нерген ,вара Юдит Бенье нерген пален нале.
 -Книгам по»леклем, -маньым.- Тыланда да венгр поэтессе Юдит Беньелан  пуэда мо?-йодым.
Ик кече гыч угыч  Чавайн книгагудо воктене вашлийна. Шуко фото-влакым ыштышна.Тудлан книга-влак дене фотоальбомым, "Ямде лий" да  "Кугарня" газет-влакым по»леклышым. Богата пеш куаныш.Йошкар- Ола мучко пырля марла кутырен коштынна. Шке еш илышыже нерген каласкалыш. Марий йылмым пеш сай пала.
-Унчыш ик гана миен толынам.Пеш келшыш.Эрла угыч миен толнем,-пелештен,мый денем чеверласыш.
 30.11.21