Шарналтена поэт ден семым возышым

 Яллаште по"рт ончылно шукышт поланвондым шындат.Пеш мотор вондер. Шошым ош пеледыш дене куандара, кенежым пеледыш ужар полдыш семын ик орлангыш погалтеш. Шыже велеш эркын-эркын ту"сшым вашталта. Сентябрь тылзыште йошкарга. Йу"што" толмек, полан шере тамым налеш.
 Урем дене ошкылат гын,окна ончылно  мотор ту"сым шекланет, фотом ыштыде от чыте. Але камерыш войзет.
   Тений полан эрак йошкарген.Тамжым поген шуктыде,садыштем кажне кечын кайык-влак кочкаш чонештен мият ыле. Кодшо орлангыжым погышым.Телылан  полан дене кочкышым ыштем.
   Изием годым авам полан дене  тамле кугу когыльым конгаште куэштен ыле.Таче мартеат когыльо пушыжым шарнем.
Мый вес семын полан кочкышым ямдылем.
 Поланым салмаш  мушкын пыштем, ву"дым оптем,изиш сакырым,уржа ложашым шавем, шолтем. Ку"ймо" деч ончыч крахмалым изиш шавем.Пеш тамле кочкыш лектеш.Йу"кшымек,тамлен-тамлен коч веле.
  Поэт Аркадий Букетов-Сайн уло шу"м-чонжым пыштен,"Поланвондо" почеламутым возен.Тиде почеламут мурызо, композитор Валерий Тихоновлан чот келшен. Икана мый декем  йынгыртыш:
-Ачатын "Ош куэ конча" сборникшым кидыш налмек,  почеламутшо-влакым йо»ратен лудым. Пеш лудаш куштылго.Шуко почемутшылан муро  сем шочеш.Икмыняр почеламутшылан мурым шочыктем.
 Икмыняр у муро шочо. Йонгалтше мурыжым калык  колышташ йо"рата.  Мыланем шуко айдеме, палыдыме енат, шогалтен, кугешнен каласеныт.
Валерий эше  у мурым возыш. Мыланем семжым колтыш да мане:
-Иктыланат мураш ит пу. Вес ийлан юбилей лийшаш, тек тый денет аралалтеш.
  Вес ийын шыже велеш кенета ойган увер шоктыш.Валерий  кенета у»мыр лугыч кола. Чот ойгырышым,тиде кечак кугу статьям "Морко мландыш" возен колтышым.
Колмыжо нерген Ната шу"жарем  каласкалыш:
-Кенета черланен. ОРВИ манын эмленыт,кажне кечын поликлиникыш коштын. Иктат ковид анализым налын огыл.Пыкше-пыкше больнице марте  шкеже миен шуктен. Тушто тудлан вигак ойленыт:
-Поздно,не вылечим...
 Тиде кечак больницыште у"мыржо" ку"рылтын.
Капшым родо-тукымлан пуэн огытыл. Чара капшым полиэтилен мешакыш, хлоркым мешак ко"ргыш шавен,кылтен,капшым колоткаш пыштеныт, у"мбакыже-вургемжым.Вигат колоткам петырен, чо"гыт дене пудам переныт...
   Тиде жапыштак манеш-манеш шоктыш:
-Раисия Данилова шке пеленже Валерам нале.
  Чынжымак, Раисия Валералан ку"шко" ку"заш полшен, палыдыме  композитор гыч Марий Элыште палыме композитор, мурызо семын кодын.
    Суапыште коктынат лийышт. Ваш-ваш вес ту"няште пырля коштыт дыр? Чынак дыр, вес ту"няштат илыш уло маныт, калык коклаште колынам.
  Тыгай муро огеш йом, шонем. Муро у"мырешлык лийшаш.

  5.11.2024